សំណួរ-ចម្លើយ ឥរិយាបថនៃអង្គភាព (ភាគ៤)

សំណួរ

១៦- តើឥទ្ធិពលអ្វីខ្លះនៃភាពពេញចិត្តនិងការងារមកលើផលិតភាពនិយោជិត ភាពអវត្តមាន និងអត្រាផ្លាស់ប្តូរការងារ ? ១៧- តើកត្តា៤យ៉ាងដែលដឹកនាំទៅរកភាពពេញចិត្តនិងការងារមានអ្វីខ្លះ ?

១៨- ហេតុអ្វីបានជាមនុស្សស្ងប់ស្ងាត់និងអសកម្មតែមនុស្សខ្លះទៀតឡឡានិងរំលោភបំពាន ?

១៩- តើបុគ្គលិកលក្ខណៈជាអ្វី ?

២០- ចូរពន្យល់ពីបុគ្គលិកលក្ខណៈវិជ្ជមាននិងបុគ្គលិកលក្ខណៈអវិជ្ជមានរបស់និយោជិតម្នាក់ៗ ?

ចម្លើយ

១៦- ការចូលរួមខ្ពស់ក្នុងការងារ ការប្តេជ្ញាចិត្ត ផលិតភាព អវត្តមាន តិចតួច និងអត្រាផ្លាស់ប្តូរការងារមានកម្រិតទាប ។

១៧- កត្តា៤យ៉ាងដែលដឹកនាំទៅរកភាពពេញចិត្តនិងការងារមានដូចជា ៖

• ការផ្តល់ឱកាសដើម្បីបានប្រើប្រាស់ជំនាញ សមត្ថភាព សេរីភាពក្នុងការទទួលព័ត៌មានត្រឡប់អំពីការងារដែលពួកគេបានធ្វើ ។
• ការផ្តល់រង្វាន់ មានសីលធម៌ ត្រឹមត្រូវ យុត្តធម៌ស្មើភាព និងមានគោលនយោបាយល្អ ។
• មានការគាំទ្រពីបរិយាកាសចំពោះការងារ ភាពស្អាតនៅជុំវិញ ភាពសុខស្រួល សម្ភារៈទំនើប ។
• មានការគាំទ្រពីសហសេវិក រាប់អាន គាំទ្រពីមិត្តតួមការងារ មានការយោគយល់គ្នា មានការសរសើរចំពោះការប្រត្តិបត្ត ការងារបានល្អ និងស្តាប់យោបល់ ។

១៨- បានជាមនុស្សស្ងប់ស្ងាត់និងអសកម្មតែមនុស្សខ្លះទៀតឡឡានិងរំលោភបំពាន ព្រោះនោះជាបុគ្គលិកលក្ខណៈរបស់មនុស្ស ជាចរិតឬលក្ខណៈរបស់បុគ្គល ជាពិសេសសំដៅទៅលើរបៀបដែលពួកគេសម្តែងចំពោះអ្នកដទៃ ។

១៩- បុគ្គលិកលក្ខណៈ ជាចរិតឬលក្ខណៈរបស់បុគ្គលជាពិសេសសំដៅទៅលើរបៀបដែលពួកគេសម្តែងចំពោះអ្នកដទៃ។

២០- ពន្យល់ពីបុគ្គលិកលក្ខណៈវិជ្ជមាននិងបុគ្គលិកលក្ខណៈអវិជ្ជមានរបស់និយោជិតម្នាក់ៗគឺ ៖

• បុគ្គលិកលក្ខណៈវិជ្ជមាន របស់និយោជិតមានដូចជារីករាយ មានប្រាជ្ញាច្រើន ខំធ្វើការ អារម្មណ៍នឹងនរ ក្លាហាន ស្មោះត្រង់ ហ្មត់ចត់ ស្ងប់ស្ងាត់ មានហិច្ឆតា ។ល។ ដែលបុគ្គលិកលក្ខណៈរបស់និយោជិតទាំងនេះ ធ្វើឱ្យមានប្រវត្តិការការងារខ្ពស់នៅកន្លែងការងារ ។

• បុគ្គលិកលក្ខណៈអវិជ្ជមាន របស់និយោជិតមានដូចជា មានប្រាជ្ញាតិច ខ្ជិល អារម្មណ៍មិននឹងនរ កំសាក ខ្លាច រំលោភបំពាន មិនស្មោះត្រង់ លេងសើច ឈ្លានពាន ឡូឡា ខ្មាសអៀន ។ល។ ដែលបុគ្គលិកលក្ខណៈរបស់និយោជិតទាំងនេះ ធ្វើឱ្យបង្អាក់ដល់ប្រតិបត្តិការងារ និងមានប្រវត្តិការការងារទាបនៅកន្លែងការងារ ។

តភាគ