សំណួរ-ចម្លើយ ការគ្រប់គ្រងហិរញ្ញវត្ថុអន្តរជាតិ (ភាគ១១)

សំណួរ

៥១- តើអ្នកដឹកនាំត្រូវមានលក្ខណៈសម្បត្តិដូចម្តេច ?

៥២- តើជំនាញរបស់អ្នកគ្រប់គ្រងមានអ្វីខ្លះ ?

៥៣- តើមុខងារជាមូលដ្ឋាននៃការដឹកនាំមានអ្វីខ្លះ ?

៥៤- តើគោលការណ៍ណែនាំដើម្បីឲ្យការដឹកនាំមានប្រសិទ្ធិភាពមានអ្វីខ្លះ ?

៥៥- តើមានជំហ៊ានអ្វីខ្លះដែលត្រូវអនុវត្តសម្រាប់ការដឹកនាំ ?

៥៦- តើមានសារធាតុអ្វីខ្លះដែលមានសារៈសំខាន់ដែលមានភាពជាអ្នកដឹកនាំ ?

៥៧- តើភារកិច្ច និងការទទួលខុសត្រូវរបស់អ្នកគ្រប់គ្រងមានអ្វីខ្លះ ?

ចម្លើយ

៥១- អ្នកដឹកនាំត្រូវមានលក្ខណៈសម្បត្តិដូចជា ៖

ក- លក្ខណៈសម្បត្តិទូទៅរបស់អ្នកដឹកនាំ ៖

• ការដាក់វិន័យខ្លួនឯង ( ទិតៀនខ្លួនឯង )
• ការប្តេជ្ញាចិត្ត ( ការតាំងចិត្ត )
• ចំណេះដឹង  ( សាលា ការស្រាវជ្រាវ  “ ស្តាប់  អាន …”  វិភាគ និង ការងារ )
• ការទទួលខុសត្រូវ
• សីលធម៌ និងគុណធម៌
• គំនិតវិជ្ជមាន ( មានសង្ឃឹម គឺគំនិតឃើញ ច្រកចេញជានិច្ច ឫសុទិដ្ឋិនិយម )
• ការលើកទឹកចិត្ត
• ភាពជាគំរូ
• ទស្សនវិស័យ

ខ- មេដឹកនាំត្រូវតែឈានមុខគេនូវ ៖

• គំនិតផ្តួចផ្តើម
• មាយាទ
• ការងារ

៥២- ជំនាញរបស់អ្នកគ្រប់គ្រងមានដូចជា​៖

ក- ជំនាញខាងទស្សនៈយល់ដឹង ការកែលំអ ការដោះស្រាយបញ្ហា ឬការធ្វើសេចក្ដីសំរេចចិត្ត វិភាគភាពខ្លាំង និង ភាពខ្សោយរបស់អង្គភាពយល់កាន់តែប្រសើរអំពីគោលដៅរបស់អង្គភាព រៀនបន្ថែមទៀតអំពីសកម្មភាពសេចក្ដីត្រូវការ របស់អង្គភាពដទៃរៀនសូត្របន្ថែមទៀត អំពីបរិដ្ឋានខាងក្រៅ ឱកាស និន្នាការ និងការប្រកួតប្រជែងបង្កើតគំនិតថ្មីដល់ អង្គភាពរបស់អ្នកដែលកំពុងអនុវត្តន៍ ។

ខ- ជំនាញខាងមនុស្ស ធ្វើទំនាក់ទំនងកាន់តែប្រសើរឡើង ញញឹមឲ្យកាន់តែច្រើនឡើង ស្វែងយល់ពីមនុស្សដែល អ្នកធ្វើការជាមួយឲ្យកាន់តែល្អឡើង ស្វែងអំពីមនុស្សទូទៅឲ្យកាន់តែល្អឡើង និងរៀនអំពីចិត្តសាស្ត្រ ឬសង្គមវិទ្យាស្ដាប់ មនុស្សឲ្យបានច្រើន ពិនិត្យមើលការយល់ដឹងរបស់មនុស្ស ចំណាយពេលចងមិត្តភាពល្អឲ្យបានច្រើន សិក្សាជំនាញពីមនុស្សម្នាក់ទៅមនុស្សម្នាក់ទៀត មានទំនុកចិត្តថែមទៀត ធ្វើការងារឲ្យកាន់ប្រសើរជាក្រុមតាំងចិត្តអត់ធ្មត់ ។

គ- ជំនាញខាងបច្ចេកទេស អានសៀវភៅ ដឹកនាំ ការគ្រប់គ្រង អនុវត្តន៍ កុំព្យូទ័រ បន្ថែមបង្កើនសមត្ថភាព ភាសា អង់គ្លេស តាមការអានអក្សរ ឬហាត់សរសេរឲ្យបានច្រើន ធ្វើឲ្យទាន់សម័យនូវបច្ចេកវិទ្យាថ្មី ក្នុងកន្លែងរបស់អង្គភាពសិក្សា ពីរបៀបអង្គការដទៃប្រើឧបករណ៍និតិវិធី​ (ទំរង់ការ) ឬបច្ចេកទេសចាំបាច់ទៅតាមកន្លែង ។

៥៣- មុខងារជាមូលដ្ឋាននៃការដឹកនាំមានដូចជា​ ៖

• ផ្ដល់នូវសេវាកម្ម 
• បំរើផលប្រយោជន៍ទាំងអង្គភាព និងបុគ្គលិកដែលបំរើការងារផងដែរ
• ប្រើការសំរេចចិត្តមឺុងម៉ាត់
• ហ៊ានប្រថុយ
• ធ្វើអ្វីៗឲ្យសកម្ម
• បញ្ចុះបញ្ចូល ផ្ទេរសិទ្ធិ និងទុកចិត្តមនុស្ស (បុគ្គល)
• បញ្ចេញទស្សនះរបស់ពួកគេ
• ធ្វើផែនការជាយុទ្ធសាស្រ្ត
• ចរចារ និងដោះស្រាយជាមួយមនុស្ស (បុគ្គល)
• ទុកចិត្តលើការវិនិច្ឆ័យរបស់បុគ្គលិក
• ទទួលយកការខុសត្រូវ
• សំរេចលទ្ធផល ។

៥៤- គោលការណ៍ណែនាំដើម្បីឲ្យការដឹកនាំមានប្រសិទ្ធិភាពមានដូចជា ៖

• រក្សានូវការគោរព
• ឆាប់ឆ្លើយតបនឹងតម្រូវការរបស់អ្នកដទៃ
• ធ្វើការដោយមានប្រសិទ្ធិភាពជាមួយអ្នកផងទាំងពួង
• ត្រូវមានការជំរុញទឹកចិត្តខ្ពស់
• ត្រូវមានចំណេះដឹងគ្រប់គ្រាន់
• ត្រូវមានការពេញចិត្ត ពេញថ្លើម និងជំរុញទឹកចិត្តអ្នកដទៃឲ្យធ្វើអ្វីមួយ
• ប្រើប្រាស់រាល់ធនធានដែលមាន
• ឆ្លៀតឱកាស ដើម្បីបង្ហាញពីភាពដឹកនាំដែលគេផ្ដល់ឲ្យអ្នក ។

៥៥- ជំហ៊ានដែលត្រូវអនុវត្តសម្រាប់ការដឹកនាំមានដូចជា ៖

• កំណត់គោលដៅ
• ធ្វើយ៉ាងណាឲ្យច្បាស់ថាគោលដៅនោះត្រូវបានបុគ្គលិកយល់ហើយ
• ធ្វើផែនការដើម្បីឈានទៅដល់គោលដៅ
• ចាប់ផ្ដើមដំណើរការសកម្មភាព
• រក្សានូវសកម្មភាពឆ្ពោះទៅរកគោលដៅ
• ផ្ដល់នូវការជំរុញទឹកចិត្តគេ និងភាពពេញចិត្ត ពេញថ្លើម ដើម្បីឲ្យដំណើរការបានប្រក្រតី
• វាយតម្លៃលទ្ធផល
• ជូនរង្វាន់ដល់នរណាដែលបានជួយអ្នកឲ្យសំរេចគោលដៅ ។

៥៦- មានសារធាតុបីនេះមានសារៈសំខាន់ដែលមានភាពជាអ្នកដឹកនាំគឺបានផ្ដោតទៅលើ ៖

ក- ភារកិច្ចដែលត្រូវធ្វើ ៖

• ការកំណត់ទិសដៅ
• ការរៀបចំផែនការដើម្បីដំណើរការ
• ការបែងចែកការងារ និងប្រើប្រាស់ធនធាននានា
• ការត្រួតពិនិត្យទៅលើការបំពេញការងារ ។

ខ- ក្រុមការងារ

• កំណត់បទដ្ឋាន
• បង្កើតស្មារតីនៅក្នុងក្រុមឲ្យចេះធ្វើការ
• ណែនាំនៅពេលណាចាំបាច់
• រក្សាការផ្ដល់ពត៌មានដល់បុគ្គលិក
• លើកទឹកចិត្ត ដល់ បុគ្គលិក ម្នាក់ៗ ឲ្យមាន វិន័យនៅ ក្នុងក្រុម ។

គ- បុគ្គលម្នាក់ៗដែលបង្កើតនូវក្រុមការងារដោយមាន

• ការទទួលស្គាល់ និងការបង្កើនលទ្ធភាពបុគ្គលម្នាក់ៗ
• ការបណ្ដុះបណ្ដាលជាបុគ្គលម្នាក់ៗ
• ការផ្ទរសិទ្ធិ កិច្ចការ ។

៥៧-​ ភារកិច្ច និងការទទួលខុសត្រូវរបស់អ្នកគ្រប់គ្រងមានដូចជា ៖

ក-​ អ្នកគ្រប់គ្រងថ្នាក់ខ្ពស់ ៖

• បង្កើតឬរៀបចំគោលដៅ
• បង្កើតផែនការរយះពេលវែង
• បង្កើតគោលនយោបាយ​ និងតំនាងអង្គការចំពោះមជ្ឈដ្ឋានខាងក្រៅ និងក្នុង
• ធ្វើការកំណត់ និងអនុម័តតាមក្រមសីលធម៌ការងារ
• ធ្វើការសំរេចចិត្តដោយឈរលើគោលការណ៍ គោលនយោបាយ
• គ្រប់គ្រងថវិការសម្រាប់អង្គការ
• ធ្វើផែនការពិនិត្យ តាមដាន និងវាយតម្លៃ ។

ខ- អ្នកគ្រប់គ្រងថ្នាក់កណ្តាល ៖

• បង្កើតគោលដៅទូលំទូលាយ ដោយកំនត់ពីថ្នាក់ខ្ពស់ និងសម្របសម្រួលកិច្ចការរបស់អ្នកគ្រប់គ្រងផ្ទាល់
• គ្រប់គ្រងបុគ្គលិក និងកំនត់ទិសដៅទៅតាមគម្រោងផែនការ
• ធ្វើផែនការ ពិនិត្យតាមដាន និងវាយតម្លៃ
• ធ្វើទំនាក់ទំនងជាមួយបុគ្គលិក ប្រតិបត្តិ និងថ្នាក់ដឹកនាំ ថ្នាក់ខ្ពស់
• អនុវត្ត និង​ដាក់ឲ្យថ្នាក់ក្រោម អនុវត្តនូវគោលនយោបាយ
• ធ្វើរបាយការណ៍
• ដោះស្រាយបញ្ហា ។

គ- អ្នកគ្រប់គ្រងថ្នាក់ក្រោម ៖

• អនុវត្តការងារ និងត្រួតពិនិត្យមើលនូវរាល់ប្រតិបតិ្តការកិច្ចការ
• បែងចែកការងារតាមផែនការ ដែលត្រូវបានរៀបចំដោយថ្នាក់លើ
• ធ្វើផែនការ និងពិនិត្យ តាមដានរៀងរាល់ថ្ងៃ សប្តាហ៏ ខែ
• រក្សាការទំនាក់ទំនងល្អជាមួយបុគ្គលិក និងដោះស្រាយរាល់បញ្ហា
• មើលការខុសត្រូវលើបុគ្គលិក
• ដាក់ឲ្យអនុវត្តតាមគោលនយោបាយ
• ធ្វើរបាយការណ៍ជូនថ្នាក់លើ
• បង្កើតទិសដៅរបស់ការងារ
• ជួលបុគ្គលិកថ្មី និងផ្ដល់យោបល់
• អានសំបុត្រ និងរបាយការណ៍ ។ល។
• ចូលរួមអង្គប្រជុំ
• ធ្វើការសំរេចចិត្តពីកម្មវិធីថ្មីៗ
• សំរេចថាតើនរណា ដែលនឹងអាចត្រូវតម្លើងឋានៈ (ជូនយោបល់ទៅថ្នាក់លើ)