សំណួរ-ចម្លើយ ឥរិយាបថនៃអង្គភាព (ភាគ៧)

សំណួរ

៣១- ដូចម្តេចដែលហៅថាក្រុម ?

៣២- តើក្រុមមានប៉ុន្មានប្រភេទ ? អ្វីខ្លះ ?

៣៣- ហេតុអ្វីបានជាមនុស្សបង្កើតក្រុម ?

៣៤- តើដំណាក់កាលនៃការអភិវឌ្ឍក្រុមមានអ្វីខ្លះ ?

៣៥- ហេតុអ្វីបានជាក្រុមខ្លះខំប្រឹងប្រែងទទួលបានជោគជ័យជាក្រុមដទៃទៀត ?

ចម្លើយ

៣១- ក្រុម ជាបុគ្គល២នាក់ ឬច្រើននាក់ធ្វើអន្តរសកម្មភាព និងពឹងអាស្រ័យលើគ្នាទៅវិញទៅមក ដែលមនុស្សទាំងអស់មកជួបជុំគ្នា ធ្វើការងារដើម្បីសម្រេចគោលជាក់លាក់ណាមួយ ។

៣២- ក្រុមមាន ២ប្រភេទគឺ ៖

• ក្រុមផ្លូវការ ៖ គឺជាក្រុមទាំងឡាយណា ដែលមាននៅក្នុងរចនាសម្ព័ន្ធអង្គភាព ដោយទទួលបំពេញការងារដែលអង្គភាពបានបង្កើតឡើង និងដាក់ឱ្យអនុវត្ត ។
• ក្រុមក្រៅផ្លូវការ ៖ ជាសម្ព័នភាពដែលរួមគ្នាដើម្បីធ្វើការងារអ្វី មួយ ដោយគ្មានរចនាសម្ព័នជាផ្លូវការ ឬក៏គ្មានការកំណត់ការងារពីអង្គភាពឡើយ ។

៣៣- បានជាមនុស្សបង្កើតក្រុម គឺដើម្បីសេចក្តីត្រូវការ ការសម្រេច គោលបំណង សេដ្ឋកិច្ច សន្តិសុខ ឋានៈ ស្វ័យគោរព ការសម្របសម្រួល អំណាច អន្តរសកម្មភាពសង្គម ។

៣៤- ដំណាក់កាលនៃការអភិវឌ្ឍក្រុមមានដូចជា ៖

• ការបង្កើត ៖ ដំណាក់កាលដំបូងនៃការអភិវឌ្ឍន៍ក្រុមនោះ គឺការបង្កើតក្រុមហើយវាមានលក្ខណៈច្បាស់លាស់ ច្រើនអំពីគោលបំណង ក្រុមរចនាសម្ព័ន្ធ និងជាអ្នកដឹកនាំ ។
• ទំនាស់ផ្ទៃក្នុង ៖ គឺទំនាស់ផ្ទៃក្នុងមានន័យថាជំលោះនៅក្នុងអង្គភាព ។
• បទដ្ឋាន ៖ មានលក្ខណៈទំនាក់ទំនងគ្នា និងមានភាពត្រូវរូវគ្នាយ៉ាងស្និទ្ធស្នាល ។
• ការប្រតិបត្ត ៖ គឺជាដំណាក់កាលដែលក្រមមានជំនាញពេញលេញ ។
• ក្រុមបណ្ដោះអាសន្ន ៖ ដែលមានលក្ខណៈបណ្តោះអាសន្ន មានដូចជា គណៈកម្មការ ក្រុមគម្រោង ក្រុមការងារជាក់លាក់ មានលក្ខណៈពាក់ព័ន្ធទៅនឹងការប្រមូលផ្តុំសកម្មភាពទាំងឡាយជាជាងការប្រតិបត្តកិច្ចការ ។

៣៥- បានជាក្រុមខ្លះខំប្រឹងប្រែងទទួលបានជោគជ័យជាក្រុមដទៃទៀត គឺបណ្តាលមកពីភាពខុសគ្នាក្នុងសមត្ថភាពរបស់សមាជិកក្រុម គឺថាធនធានសមាជិកក្រុមមាមកម្រិតសក្តានុពលនៃការប្រតិបត្តិ អាស្រ័យលើធនធានទាំងឡាយដែលសមាជិកម្នាក់ៗនៃក្រុមមានសម្រាប់នាំមកជួយដល់ក្រុម ។

តភាគ