សំណួរ-ចម្លើយ ឥរិយាបថនៃអង្គភាព (ភាគ១១)

សំណួរ

៥១- តើកត្តាអ្វីដែលបង្កឱ្យមានភាពតានតឹង ?

៥២- ហេតុអ្វីបានជាមនុស្សមានភាពតានតឹង ?

៥៣- ចូរពន្យល់ពីភាពខុសគ្នារវាងភាពតានតឹងដែលកើតចេញពីការងារ និងភាពតាំនតឹងដែលកើតចេញពីជីវិត ? ចូរឱ្យ ឧទាហរណ៍ ។

៥៤- អ្វីខ្លះដែលជាភាពតានតឹងដែលកើតពីបរិយាកាស ? ចូរពន្យល់ ។

៥៥- តើក្រុម និងអង្គភាពបង្ករឱ្យមានភាពតានតឹងអ្វីខ្លះ ? ចូរពន្យល់ ។

ចម្លើយ

៥១- កត្តាដែលនាំឱ្យមានភាពតានតឹង គឺកើតចេញពីវត្ថុ ឬមនុស្សជាអ្នកបង្ករឡើងមានដូចជា ៖

• ភាពតានតឹងបណ្តាលមកពី ការងារ តួនាទី តំណែង រចនាសម្ព័ន
• ភាពតានតឹងបណ្តាលមកពី ជីវិតផ្ទាល់ខ្លួន ក្រុមគ្រួសារ ជីវភាព សុខភាព ការរំលោភបំពាន ។
• ភាពតានតឹងពីបរិយាកាស មានដូចជាគ្រោះមហន្តរាយ ទឹកជំនន់ ខ្យល់ព្យុះ ផ្សែងពុល និងការសំណល់ដែលបង្ករឱ្យមានភាពក្នក់ ។
• ភាពតានតឹងពីនយោបាយ អស្ថេរភាពនយោបាយ ទំនាស់ផ្ទៃក្នុង ការបែងចែកអំណាច ការប្រកួតប្រជែងខ្លាំង ក្នុងនយោបាយប្រកបដោយមហិច្ឆតា ។
• ភាពតានតឹងពីសេដ្ឋកិច្ច អតិផរណា ភាពគ្មានការងារធ្វើ អត្រាការប្រាក់ពន្ធដា តម្រូវការ និងការផ្គត់ផ្គង់ ។
• ភាពតានតឹងខាងវប្បធម៌ទស្សនៈយល់ដឹង របៀបរស់នៅ សាសនា ប្រពៃណី ការស្លៀកពាក់ ម្ហូបអាហារ -ល-។

៥២- ព្រឹត្តិការជីវិតផ្លាស់ប្តូរនាំឱ្យមានភាពតានតឹង គឺមានការឈឺចាប់ ស្មុគស្មាញនៅពេលដែលជួបបញ្ហាដូចជា ៖

• មរណះ ភាពប្ដីប្រពន្ធ ឬកូន មានតម្លៃនៃការតានតឹង=១00%
• ការលែងល ៖ គ្នា=៧៣%
• ការបែកគ្នា=៦៥%
• មរណះភាពនៃសមាជិកស្និទ្ធស្នាល= ៦៣%
• របួស ឬ ឈឺ=៥៣%
• រៀបអាពាហ៍ពិពាហ៍=៥០%
• បណ្តេញចេញពីការងារ=៤៧%
• ការចូលនិវត្តន៍=៤៥%
• ការផ្លាស់ប្តូរ ការទទួលខុសត្រូវការងារ=២៩%
• ការផ្លាស់ប្តូរស្ថានភាពរស់នៅ=២៥%
• ការផ្លាស់ប្តូរស្ថានភាពសង្គម=១៨%
• ការផ្លាស់ប្តូរទំលាប់ទទួលទានអាហារ=១៥%

៥៣- ការពន្យល់ពីភាពខុសគ្នារវាងភាពតានតឹងដែលកើតចេញពីការងារ និងភាពតាំនតឹងដែលកើតចេញពីជីវិត ៖

• ភាពតានតឹងដែលកើតចេញពីការងារ គឺភាពតានតឹងដែលបណ្តាលមកពីបរិយាកាស ក្រុម និងអង្គភាព ការចូលរួមសម្រេចចិត្ត និងរចនាសម្ព័នការងារ ។ ឧទាហរណ៍ដូចជា សីតុណ្ហភាព កាកសំណល់ ជាតិគីមីពុលដែលធ្វើឱ្យប៉ះពាល់ដល់សុខភាពពួកគេ តួនាទី ការពិពណ៌នាការងាររបស់បុគ្គលិក ។
• ភាពតានតឹងដែលបង្កឡើងដោយជីវិត គឺជារឿងផ្ទាល់ខ្លួនរបស់បុគ្គល ដែលចេញពីការផ្លាស់ប្តូរទីលំនៅ សុខភាព ស្ថានភាពគ្រួសារ -ល- ។ ឧទាហរណ៍ដូចជា មរណភាពសមាជិកគ្រួសារ មានជំងឺប្រចាំកាយ លែងលះគ្នា បែកបាក់របួស -ល- ។

៥៤- កត្តាដែលបង្ករភាពតានតឹងបណ្តាលមកពីបរិយាកាស គឺមានដូចជា ភាពមិនមានសុវត្ថិភាពនៅកន្លែងធ្វើការងារ ការសំណល់ជាតិពុល ផ្សែងពុល សារធាតុគីមី ដែលបង្ករឱ្យមានភាពក្នក់ សីតុណ្ហភាព គ្រោះមហន្តរាយ ទឹកជំនន់ ខ្យល់ព្យុះ-ល-។

៥៥- ក្រុម និងអង្គភាពបង្ករឱ្យមានភាពតាតឹងដូចជាលក្ខណៈអន្តរសកម្មនៅក្នុង ក្រុមនិងរវាងក្រុមទាំងឡាយ ទំនាក់ទំនងមិនល្អនាំឱ្យមានការទុកចិត្តទាប ការគាំទ្រទាប ចំណាប់អារម្មទាប ដំណោះស្រាយបញ្ហាមិនបានល្អ ដែលត្រូវប្រឈមនិងនិយោជិតទាំងឡាយ ។

តភាគ