វិញ្ញាសាមុខវិជ្ជាជីវៈវិទ្យា ( វិញ្ញាសាទី៤៩ )

សំនួរ

១. ឲ្យនិយមន័យអាស៊ីតអាមីនេស្តង់ដារ និងមិនស្តង់ដារ ។

២. ការពិសោធន៍អង់ស៊ីមៈ

នៅពេលគេចាក់ទឹកអុកស៊ីសែនណេទៅក្នុងកែវជ័រដែលមានដាក់ថ្លើមសត្វរួចជាស្រេចគេពិនិត្យឃើញមានអ្វីកើតឡើងនៅក្នុងកែវជ័រនោះ ? ព្រោះអ្វី ?

គេចាក់សូលុយស្យុងទឹកមាត់នៅក្នុងកែវជ័រដែលមានដាក់សូលុយស្យុងអាស៊ីតអាមីដុងក្នុងការពិសោធន៍អំពីអង់ស៊ីមយថាប្រភេទ ។ តើសូលុយស្យុងទឹកមាត់ផ្ទុកអង់ស៊ីមឈ្មោះអ្វី ? និងមាននាទីដូចម្តេចក្នុងការពិសោធនេះ ?

៣.អាំងភ្លុចប្រសាទគឺជាអ្វី ?

៤. ចូរពន្យល់ពីដំណើរអំាងភ្លុចប្រសាទដែលបានកើតឡើងនៅពេលមានសូរសម្លេងរោទិ៍របស់ទូរស័ព្ទ ?

៥. ហេតុអ្វីបានជានុយក្លេអូទីតមានតែ៤ ប្រភេទតែអាចបង្កើតម៉ូលេគុល AND ខុសគ្នាច្រើន ?

ចម្លើយ

១. អាស៊ីតអាមីនេស្តង់ដារវាគឺជាអាស៊ីតអាមីនេទាំង ២០ប្រភេទដែលមាន ធាតុបង្ករបស់ប្រូតេអ៊ីនគឺវាមានកម្រសេនេទិចសម្រាប់កំណត់ ។

អាស៊ីតអាមីនេមិនស្តង់ដារ គឺជាអាស៊ីតអាមីនេដែលមាននាទីចាំបាច់ក្នុងមេតាប៉ូលីស ប៉ុន្តែវាមិនមែនជាសារធាតុបង្ករបស់ប្រូតេអ៊ីនទេ ។

២. នៅពេលគេចាក់ទឹកអុកស៊ីសែន ណេទៅក្នុងកែវជ័រដែលមានដាក់ផ្លើមសត្វរចជាស្រេច គេពិនិត្យឃើញមានពពុះកើតឡើងនៅក្នុងកែវជ័រនោះ ពីព្រោះនៅក្នុងថ្លើមសត្វមានអង់ស៊ីមកាតាឡាសបំបែកទឹកអុកស៊ីសែនណេឲ្យទៅជាអុកស៊ីសែននិងទឹក ។

គេដាក់សូលុយល្យុងទឹកមាត់ទៅក្នុងកែវជ័រដែលមានដាក់សូលុយស្យុងទឹកមាត់ក្នុងការពិសោធន៍អំពីអង់ស៊ីមយថាប្រភេទ ។ សូលុយស្យុងទឹកមាត់ផ្ទុកអង់ស៊ីមអាមីឡាស ហើយអង់ស៊ីមអាមីឡាសមាននាទីបំបែកអាមីដុង ។

៣.​អាំងភ្លុចប្រសាទគឺជាព័ត៌មានប្រសាទដែលដឹកនាំតាមបណ្តាយណឺរ៉ូន ជាព័ត៌មានដែលណឺរ៉ូនដឹកនាំ ។

៤. ដំណើរអាំងភ្លុចប្រសាទពេលមានសម្លេងទូរស័ព្ទរោទិ៍ៈ

ក្នុងដំណើរនេះមានណឺរ៉ូន ៣ប្រភេទចូលរួមគឺៈ ណឺរ៉ូនវិញ្ញាណនាំ ណឺរ៉ូនភ្ជាប់ និងណឺរ៉ូនចលករ ។

• ណឺរ៉ូនវិញ្ញាណនាំៈ នៅពេលឡឺសម្លេងទូរស័ព្ទរោទិ៍ ធ្មួលវិញ្ញាណនៅក្នុងត្រចៀកចាប់បានរំញោចសម្លេងហើយបង្កើតបានជាអាំងភ្លុចប្រសាទ ។ អាំងភ្លុចប្រសាទធ្វើដំណើរចេញពីដង់ឌ្រីតមួយនៃណឺរ៉ូនវិញ្ញាណនាំ ចូលទៅក្នុងតួកោសិកាហើយចុះតាមអាក់សូនរហូតដល់ចុងអាក់សូន ។
• ណឺរ៉ូនភ្ជាប់ៈ នៅចុងអាក់សូន អាំងភ្លុចប្រសាទឆ្លងកាត់ស៊ីណាប់ហើយចូលទៅក្នុងណឺរ៉ូនភ្ជាប់ដែលស្ថិតនៅក្នុងខូរក្បាល ។ នៅក្នុងខួរក្បាលអាំងភ្លុចប្រសាទនេះត្រូវបានបកស្រាយហើយធ្វើឲ្យយើងដឹងថាទូរស័ព្ទរោទិ៍ ។ បន្ទាប់មកខួរក្បាលធ្វើការសម្រេចចិត្តថាតើលើកទូរស័ព្ទរឺអត់ ?
• ណឺរ៉ូនចលករៈ នៅពេលខួរក្បាលសម្រេចចិត្តថាត្រូវតែឆ្លើយតបអាំងភ្លុចប្រសាទធ្វើដំណើរចុះតាមបណ្តោយណឺរ៉ូនចលកររហូតដល់សរីរាង្គប្រតិកម្ម ( សាច់ដុំដៃ ) ។ សាច់ដុំដៃឆ្លើយតបទៅនឹងការលើកទូរស័ព្ទ ។

៥. ព្រោះម៉ូលេគុល AND និមួយៗកើតឡើងពីនុយក្លេអូទីតច្រើន ដែលតម្រៀ​បគ្នាទៅតាមតំណលំដាប់ជាក់លាក់​ ។ ម៉ូលេគុល AND នីមួយៗខុសគ្នាមដោយសារចំនួននុយក្លេអូទីត ប្រភេទនុយក្លេអូទីត និងទីតាំងរបស់នុយក្លេអូទីត ។