វិញ្ញាសាមុខវិជ្ជាជីវៈវិទ្យា ( វិញ្ញាសាទី៥០ )

សំនួរ

១. ពេលលឺទូរស័ព្ទ អ្នកលើកទូរស័ព្ទឡើងដើម្បីឆ្លើយតប ។ ក្នុងករណីនេះ តើមានណឺរ៉ូនអ្វីខ្លះ ដែលចួលរួម ? រៀបរាប់ពីតួនាទីរបស់វាផង ។

២. ក្រពេញញើសមាននាទីដូចម្តេច ?

៣. អង់ទីប្យូទិចជាអ្វី ?

៤. ដូចម្តេចប៉ារ៉ាទីរ៉ូអ៊ីត ?

៥. រៀបរាប់ពីសារៈសំខាន់នៃស្វ័យតម្លើងទ្វេ ADN ។

ចម្លើយ

១. ណឺរ៉ូននេះមានណឺរ៉ូន ៣ប្រភេទចូលរួមគឺៈ ណឺរ៉ូនវិញ្ញាណនាំ ណឺរ៉ូនភ្ជាប់ និងណឺរ៉ូនចលករ ។

នាទីរបស់វាៈ

• ណឺរ៉ូនវិញ្ញាណនាំៈ មាននាទីចេញពីធ្មួលវិញ្ញាណទៅកាន់មជ្ឈមណ្ឌលប្រសាទ ( ខួរក្បាល )
• ណឺរ៉ូនភ្ជាប់ៈ មាននាទីបញ្ចូលបន្តនូវព័ត៌មានពីណឺរ៉ូនវិញ្ញាណនាំទៅណឺរ៉ូនចលករក្រោយការបកស្រាយអាំងភ្លុចប្រសាទពីខួរក្បាល
• ណឺរ៉ូនចលករៈ មាននាទីដឹកនាំព័ត៌មានគឹមជ្ឈមណ្ឌលប្រសាទទៅកាន់សរីរាង្គប្រតិកម្ម ( សាច់ដុំដៃ ) ។

២. ក្រពេញញើសមាននាទីបញ្ចេញញើសដើម្បីតម្រូវសីតុណ្ហភាពក្នុងសាពាង្គ ។

៣. អង់ទីប្យូទិចជាសារធាតុសាំញុំដែលោផលិតដោយមីក្រូសារពាង្គកាយសម្រាប់ព្យាបាលជម្ងឺដែលបង្កឡើងដោយបាក់តេរី ។

៤. ជាក្រពេញរាងពងក្រពើតូចៗចំនួនបួនដែលបង្កប់ក្នុងផ្នែកខាងក្រោយនៃក្រពេញទីរ៉ូអ៊ីត វាមាននាទីបញ្ចេញផលិតអរម៉ូនប៉ារ៉ាទីរ៉ូអ៊ីត ។

៥. សារៈសំខាន់ដូចជាៈ

• រក្សាចំនួនក្រូម៉ូសូមឲ្យនៅដដែលពេលកោសិកាចែក
• នៅចំណែកមីតូស កោសិកាមេនិងកោសិកាកូនមាន ADN ដូចគ្នា
• រ៉ាប់រង់ចំនួននិងរូបរាងក្រម៉ូសូមឲ្យនៅដដែលក្រោយចំណែកកោសិកា
• រ៉ាប់រងនិងកំហែរក្សាព័ត៌មានសេនេទិចឲ្យនៅថេរដោយឆ្លងកាត់ជំនាន់ ។