វិញ្ញាសាមុខវិជ្ជាជីវៈវិទ្យា ( វិញ្ញាសាទី៥៥ )

សំនួរ

១. តើកត្តាអ្វីខ្លះ ដែលអាចធ្វើអោយប្រូតេអ៊ីន បាត់បង់គុណភាពបាន  ?

២. គេធ្វើចំណែកថ្នាក់របស់ អង់ស៊ីម ដោយរបៀបណា ?

៣. ហេតុអ្វីបានជា គេនិយាយថា​អង់ស៊ីមជាប្រូតេអ៊ីនយថាប្រភេទ ?

៤. ដូចម្តេចដែលហៅថាអ៊ីដ្រូឡាស ? ចូររកឧទាហរណ៍អ៊ីដ្រូឡាសអោយបានបី ។

៥. ចូរបកស្រាយពីចលនាការស្វ័យដំឡើងទ្វេរ ADN ?

ចម្លើយ

១. កត្តាដែលធ្វើអោយប្រូតេអ៊ីនខូចគុណភាពមានដូចជា កត្តាអាស៊ីតខ្លាំង បាសខ្លាំង សាប៊ូ អំបិល លោហៈធាតុធ្ងន់ បម្រែបម្រួល សីតុណ្ហភាព និងចលនាមេកានិច និងកត្តាផ្សេងៗទៀត  ។

២. គេធ្វើចំណែកថ្នាក់របស់ អង់ស៊ីម តាមរយៈតួនាទីរបស់អង់ស៊ីមនោះ ។

៣. បានជាគេនិយាយថា​ អង់ស៊ីមជាប្រូតេអ៊ីនយថាប្រភេទពីព្រោះគ្រប់អំពើទាំងអស់របស់ អង់ស៊ីមទាំងអស់មិនមែនជាប្រូតេអ៊ីននោះទេ ។ ម្យ៉ាងវិញទៀតអង់ស៊ីមនីមួយៗ មានអំពើទៅលើប្រតិកម្មមួយជាក់លាក់ ។

៤. ដែលហៅថាអ៊ីដ្រូឡាសគឺ ជាអង់ស៊ីមដែលចូលរួមប្រតិកម្មផ្តាច់សម្ព័ន្ធគីមី ដោយភ្ជាប់ អ៊ីយ៉ុង និង អ៊ីយ៉ុង ដែលបានមកពីម៉ូលេគុលទឹក ឬយើងអាចហៅប្រតិកម្មនេះបានថា « ប្រតិកម្ម អ៊ីដ្រូលីស » ។

៥. ចលនាស្វ័យដំឡើងទ្វេ ADN ប្រព្រឹត្តទៅដូចជាៈ

• ដំបូងច្រវ៉ាក់ទាំងពីររបស់ម៉ូលេគុល ADN ចាប់ផ្តើមរលា
• ការផ្តាច់សម្ព័ន្ធ អ៊ីដ្រូសែនធ្វើអោយច្រវ៉ាក់ទាំងពីរ ឃ្លាតគ្នាក្រោមអំពើរបស់អង់ស៊ីម ADN ប៉ូលីសមេរ៉ាស
• នុយក្លេអូទីត សេរីនៅក្នុងណ្វៃយ៉ូរត់ចូលមកបំពេញតាមច្រវ៉ាក់នីមួយតាមគោលការណ៍បាស A-T និង C-G ។ ច្រវ៉ាក់នីមួយៗរបស់ម៉ូលេគុល ADN មេធ្វើជាពុម្ភគំរូសម្រាប់សំយោគច្រវ៉ាក់នៃម៉ូលេគុល ADN កូន ។ ​ក្រោយពេលស្វ័យដំឡើងទ្វេគេទទួលបានម៉ូលេគុល ADN កូនដែលដូចគ្នាបេះបិទហើយដូចទៅនិងម៉ូលេគុល ADN មេ ។