តើបុព្វកថានៃរដ្ឋធម្មនុញ្ញ មានអត្ថន័យគតិយុត្តយ៉ាងដូចម្តេច ?

បុព្វកថានៃរដ្ឋធម្មនុញ្ញូ មិនមែនជាបទប្បញ្ញត្តិ ឬ ជាអត្ថបទច្បាប់ទេ គ្រាន់តែជាការលើកឡើងអំពីប្រវត្តិសាស្ត្រ វប្បធម៌ អរិយធម៌អតីតកាលខ្លះ បញ្ជាក់ហេតុការណ៍ធំៗដែលបានកើតឡើង និងជាពិសេសចុងក្រោយដៅគោលបំណងក្នុងឆន្ទៈដ៏មោះមុតរបស់ប្រជារាស្ត្រខ្មែរភាគច្រើន ។ បុព្វកថា គឺជាអត្ថបទប្រមូលផ្តុំខ្លឹមសារធំៗនៅក្នុងរដ្ឋធម្មនុញ្ញ ។ សៀវភៅរបស់លោក ម៉ូរីស ហ្គាយ៉ា (Maurice Caillard) បានសរសេរថា “ បុព្វកថា គ្រាន់តែជាការបញ្ជាក់ថាប្រជាពលរដ្ឋខ្មែរចង់បានរដ្ឋធម្មនុញ្ញមួយដែលមានខ្លឹមសារដូចតទៅ” ។ ដូច្នេះ បុព្វកថា មានតម្លៃតតិយុត្តតែតម្លៃគតិយុត្តមិនដូចមាត្រានានានៅក្នុងរដ្ឋធម្មនុញ្ញទេ ។