ហេតុអ្វីបានជាក្នុងរដ្ឋធម្មនុញ្ញនៃប្រទេសកម្ពុជាយើង ឬប្រទេសខ្លួនមានរដ្ឋសភា និងព្រឹទ្ធសភា ?

ករណីនេះ គឺអាស្រ័យទៅលើរដ្ឋធម្មនុញ្ញ ថាតើគួរជ្រើសយករបបសភាមួយ ឬរបបសភាពីរ ។ បណ្តាប្រទេសសង្គមនិយមទាំងអស់មានសភាតែមួយទេ ចំណែកឯនៅក្នុងតំបន់យើងវិញ មានតែប្រទេសសិង្ហបុរីទេដែលមានសភាតែមួយ គឺរដ្ឋសភានេះឯង ។ ចំណែកឯកម្ពុជាវិញ ក្រោយពីឈានដល់ព្រមព្រៀងបញ្ចប់វិបត្តិនយោបាយឆ្នាំ១៩៩៨មក នៅឆ្នាំ១៩៩៩ បញ្ហាគណបក្សក្នុងរាជរដ្ឋាភិបាលចំរុះបានឯកភាពគ្នាបង្កើតឱ្យមានព្រឹទ្ធសភាមួយទៀត ដែលធ្វើឱ្យយើងទទួលយករបបសភាពីរថ្នាក់នេះ ។ យើងក៏មានប្រវត្តិសាស្ត្ររបស់យើងពីព្រោះ តាមរដ្ឋធម្មនុញ្ញឆ្នាំ១៩៤៧ យើងមាន “ក្រុមប្រឹក្សាព្រះរាជអាណាចក្រ”  រួចទៅហើយ ។