តើសាក្សីមានកាតព្វកិច្ចប៉ុន្មានយ៉ាង ?

សាក្សីមានកាតព្វកិច្ច៣យ៉ាងគឺ ចូលមកបង្ហាញខ្លួន ធ្វើពាក្យសម្បថ (ត្រូវរួចផុតពីសម្បថបុគ្គល ដែលជិតស្និតជាមួយជនត្រូវចោទ ដូចជាបុព្វញាតិ បច្ឆាញាតិ បងប្អូន សហព័ទ្ធ និងកូនដែលមានអាយុចាប់ពី១៦ ឡើងទៅ មាត្រា១៥៦ នៃក្រមនីតិវិធីព្រហ្មទណ្ឌ) និងផ្តល់ចម្លើយ ។ សាក្សីបដិសេធមិនបង្ហាញខ្លួន ចៅក្រមស៊ើបសួរ សុំឲ្យកំលាំងសាធារណៈបង្ខំសាក្សីឲ្យចូលមកបង្ហាញខ្លួន ដោយចេញបញ្ជាឲ្យចូលបង្ហាញខ្លួនដែលមានចុះ ពីអត្តសញ្ញាណរបស់សាក្សី កាលបរិច្ឆេទចេញបញ្ជា ហត្ថលេខា និងត្រារបស់ចៅក្រម ។