តើអំពើដែលរាំងស្ទះការអនុវត្តបទប្បញ្ញត្តិស្តីពីពន្ធដាររួមមានអ្វីខ្លះ ?

អំពើដែលរាំងស្ទះការអនុវត្តបទប្បញ្ញត្តិស្តីពីពន្ធដាររួមមាន ៖

ក- ករណីដែលបុគ្គល ៖

• មិនបានរក្សាបញ្ជីការគណនេយ្យ និងឯកសារផ្សេងទៀត ឬមិនបានចេញវិក្កយបត្រលើកិច្ចការជំនួញ ។
• មិនអនុញ្ញាតឲ្យរដ្ឋបាលសារពើពន្ធធ្វើ ការពិនិត្យបញ្ជីការគណនេយ្យ ឬឯកសារផ្សេងៗ ។
• មិនបានចុះបញ្ជីនៅរដ្ឋបាលសារពើពន្ធ ។
• មិនបានជូនដំណឹងទៅរដ្ឋបាលសារពើពន្ធ អំពីការផ្លាស់ប្តូរក្នុងការចុះបញ្ជីដូចមានចែងក្នុងច្បាប់នេះ ។
• កសាង ឬផ្តល់នូវកំណត់ត្រា ឯកសាររបាយការណ៍ ឬព័ត៌មានក្លែងបន្លំផ្សេងៗ ។
• លាក់ទុក ឬបំផ្លាញចោលដោយចេតនានូវបញ្ជីគណនេយ្យ កំណត់ត្រាឯកសារ របាយការណ៍ ឬព័ត៌មានផ្សេងៗទៀត ។
• ព្យាយាមធ្វើឲ្យរាំងស្ទះដល់ការកំណត់ និងការប្រមូលពន្ធ ។
• មិនបានដាក់លិខិតប្រកាសសារពើពន្ធ ដែលគ្មានប្រាក់ពន្ធត្រូវបង់ក្នុងរយៈពេល៣០ថ្ងៃ ក្រោយកាលបរិច្ឆេទដែលច្បាប់បានកំណត់ ។
• ជួយជ្រោមជ្រែងដោយចេតនាដល់អំពើទាំងឡាយខាងលើ ។

ខ- ករណីដែលមន្ត្រីរាជការ ៖

• ធ្វើឲ្យឆ្ងាយព័ត៌មានសម្ងាត់ដោយគ្មានការអនុញ្ញាត ។
• ព្យាយាមធ្វើឲ្យរាំងស្ទះដល់ការកំណត់ និងការប្រមូលពន្ធ ។
• ជួយជ្រោមជ្រែងដោយចេតនាដល់អំពើទាំងឡាយខាងលើ ។

ចំពោះការប្រព្រឹត្តអំពើរាំងស្ទះការអនុវត្តបទប្បញ្ញត្តិស្តីពីការពន្ធដារ ពន្ធបន្ថែមត្រូវកំណត់ដូចខាងក្រោមនេះ សម្រាប់អំពើនីមួយៗ ៖

            - ២,០០០,០០០ រៀល ចំពោះបុគ្គលអ្នកជាប់ពន្ធ ឬភ្នាក់ងារកាត់ទុក ក្រោមរបបពិត ឬមន្ត្រីរាជការ ។

            - ៥០០,០០០ រៀល (ប្រាំសែនរៀល) ចំពោះ អ្នកជាប់ពន្ធ ឬភ្នាក់ងារកាត់ទុកក្រោមរបបបំព្រួញ ឬរបបម៉ៅការ ។