សំណួរ-ចម្លើយ ច្បាប់ស្តីពីវិស័យប្រៃសណីយ៍ (ភាគ២)

សំណួរ

៦- ដូចម្តេចដែលហៅថាកញ្ចប់តូច ?

៧- តើសម្ភារៈសិក្សាសម្រាប់មនុស្សខ្វាក់រួមមានអ្វីខ្លះ ?

៨- ដូចម្តេចដែលហៅថាប្រៃសណីយ៍ភណ្ឌ ?

៩- តើសេវាបញ្ញើឆាប់រហ័សពិសេសគឺជាអ្វី ?

១០- តើប្រៃសណីយ៍បញ្ជូនប្រាក់គឺជាអ្វី ?

ចម្លើយ

៦- ដែលហៅថាកញ្ចប់តូច គឺជាបញ្ញើប្រៃសណីយ៍មួយ ដែលវត្ថុបញ្ញើត្រូវបានខ្ចប់បិទជិត មានទំហំជាកំណត់ និងមានទម្ងន់មិនលើសពី២គីឡូក្រាម ។

៧- សម្ភារៈសិក្សាសម្រាប់មនុស្សខ្វាក់រួមមាន ៖

• ថាសចំរៀង
• ខ្សែអាត់
• ប្រដាប់ពិសេសង្កើតដោយមន្ទីរពិសោធន៍របស់សាលារៀនសម្រាប់មនុស្សខ្វាក់
• អក្សរអំណ្តែតត្រូវបានខ្ចប់ជិតបិទជិត ។

៨- ដែលហៅថាប្រៃសណីយ៍ភណ្ឌ គឺជាវត្ថុបញ្ញើដែលត្រូវបានខ្ចប់បិទជិតដោយកាតុងរឹង ឬហិបក្នុងទំហំ និងទម្ងន់ដែលត្រូវកំណត់ដោយក្រសួងប្រៃសណីយ៍ និងទូរគមនាគមន៍ ។

៩- សេវាបញ្ញើឆាប់រហ័សពិសេស គឺជាសេវាកម្មប្រៃសណីយ៍ទំនើបពិសេសមួយ ដែលត្រូវបានរៀបចំឡើងក្នុងប្រព័ន្ធសេវាមានលក្ខណៈជាអន្តរជាតិ ។ សេវានេះធានានូវសុវត្ថិភាព និងមានអាទិភាពលើសសេវាប្រៃសណីយ៍ដទៃទៀត ដោយធ្វើការទទួលផ្ញើ ការបញ្ជូនចេញ និងការបែងចែកយ៉ាងឆាប់រហ័ស ។

១០- ប្រៃសណីយ៍បញ្ជូនប្រាក់ គឺជាការបញ្ជូនប្រាក់របស់អតិថិជនតាមផ្លូវប្រៃសណីយ៍ និងទូរគមនាគមន៍នៅក្នុងប្រទេសនិងក្រៅប្រទេស ក្រោមរូបភាពអាណត្តិប្រៃសណីយ៍ ឬអាណត្តិទូរលិក ។

តភាគ