សំណួរ-ចម្លើយ ច្បាប់ស្តីពីវិស័យប្រៃសណីយ៍ (ភាគ៦)

សំណួរ

២៦- តើការបោះពុម្ពផ្សាយសៀវភៅលេខទូរគមនាគមន៍សំដៅដល់អ្វី ?

២៧- តើកិច្ចព្រមព្រៀងគោលសំដៅដល់អ្វី ?

២៨- តើក្បាលលេខទូរគមនាគមន៍សំដៅដល់អ្វី ?

២៩- តើគម្លាតឌីជីថលសំដៅដល់អ្វី ?

៣០- តើគ្រឿងសម្ភារៈបរិក្ខារទូរគមនាគមន៍សំដៅដល់អ្វី ?

ចម្លើយ

២៦- ការបោះពុម្ពផ្សាយសៀវភៅលេខទូរគមនាគមន៍ សំដៅដល់សកម្មភាពនៃការបោះពុម្ពផ្សាយសៀវភៅ អត្ថបទឬឯកសារលេខទូរគមនាគមន៍ ក្រោមទម្រង់ជាក្រដាស ឬអេឡិកត្រូនិកក្នុងគោលបំណងធ្វើអាជីវកម្ម ឬពាណិជ្ជកិច្ច ។

២៧- កិច្ចព្រមព្រៀងគោល សំដៅដល់លិខិតបទដ្ឋានគតិយុត្ត ឬបទប្បញ្ញត្តិដែលកំណត់អំពីខ្លឹមសារ និងលក្ខខណ្ឌ ស្តីពីការតភ្ជាប់និងលទ្ធភាពនៃការប្រើប្រាស់ហេដ្ឋារចនាសម្ព័ន្ធ និងបណ្តាញទូរគមនាគមន៍ ។

២៨-  ក្បាលលេខទូរគមនាគមន៍ សំដៅដល់លេខ លេខកូដ និងសញ្ញាពិសេសទូរគមនាគមន៍ ដែលត្រូវបានបែងចែកឲ្យទៅប្រតិបត្តិករទូរគមនាគមន៍យកទៅប្រើប្រាស់ ក្នុងការផ្តល់សេវាទូរគមនាគមន៍នៅក្នុងព្រះរាជាណាចចក្រកម្ពុជា ។

២៩- គម្លាតឌីជីថល សំដៅដល់គម្លាតនៃការទទួលបានសេវានឹងការប្រើប្រាស់បច្ចេកវិទ្យាគមនាគមន៍ និងព័ត៌មាននៅតាមទីក្រុង ទីប្រជុំជន និងជនបទ ។

៣០- គ្រឿងសម្ភារៈបរិក្ខារទូរគមនាគមន៍ សំដៅដល់សម្ភារៈបរិក្ខារ​ ឧបករណ៍ គ្រឿងបង្គុំ ឬឋបនីយភណ្ឌដែលត្រូវបានផលិត និង/ឬនាំចេញឬនាំចូលយកមកប្រើប្រាស់ក្នុងប្រព័ន្ធទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន ។

តភាគ