សំណួរ-ចម្លើយ ច្បាប់ការទូត (ភាគ៣)

សំណួរ

១១- តើលក្ខខណ្ឌទាំងបីនៃការទទួលស្គាល់រដ្ឋមានអ្វីខ្លះ ?

១២- តើអ្វីទៅជាភាពខុសគ្នារវាងការទទួលស្គាល់តាមព្រឹត្តិការណ៍និងការទទួលស្គាល់តាមផ្លូវច្បាប់ ?

១៣- តើសិទ្ធិរបស់រដ្ឋតាមច្បាប់អន្តរជាតិមានអ្វីខ្លះ ?

១៤- តើភារកិច្ចរបស់រដ្ឋមានអ្វីខ្លះ ?

១៥- តើយុត្តាធិការរបស់រដ្ឋមានអ្វីខ្លះ ?

ចម្លើយ

១១- លក្ខខណ្ឌទាំងបីនៃការទទួលស្គាល់រដ្ឋមានដូចជា ៖

• រដ្ឋនិងរដ្ឋាភិបាលនោះ ធានាបានប្រកបកដោយវិចារណញ្ញាណនូវស្ថេរភាពនិងភាពអចិន្ត្រៃយ៍មួយ
• រដ្ឋឬរដ្ឋាភិបាល ដោយមានការគាំទ្រជាទូទៅពីសំណាក់ប្រជាពលរដ្ឋយ៉ាងច្រើន
• រដ្ឋឬរដ្ឋាភិបាលនោះមានសមត្ថកិច្ចបំពេញបាននូវកាតព្វកិច្ចជាអន្តរជាតិ ។

១២- ភាពខុសគ្នារវាងការទទួលស្គាល់តាមព្រឹត្តិការណ៍និងការទទួលស្គាល់តាមផ្លូវច្បាប់ គឺការទទួលស្គាល់តាមផ្លូវច្បាប់អាចភាពពេញលេញបានដោយបង្ហាញឲ្យឃើញនូវទំនាក់ទំនងខាងការទូត ។ ប៉ុន្តែភាពខុសគ្នារវាងការទទួលស្គាល់តាមព្រឹត្តិការណ៍ និងការទទួលស្គាល់តាមផ្លូវច្បាប់ តែងតែដំណើរការទៅតាមលំនាំមានដូចតទៅ ៖ នៅពេលដែលរដ្ឋមួយទទួលស្គាល់ដោយរដ្ឋាភិបាលមួយ មុនបង្អស់តែងតែកំណត់ថា ការទទួលស្គាល់តាមព្រឹត្តិការណ៍ បន្ទាប់មកទៀតនៅពេលដែលរដ្ឋាភិបាលនោះ មានលក្ខណៈពេញលេញទៅតាមគតិយុត្ត ហើយការទទួលស្គាល់នោះ បានកំណត់ថាជាការទទួលស្គាល់តាមផ្លូវច្បាប់ ។

១៣- សិទ្ធិរបស់រដ្ឋតាមច្បាប់អន្តរជាតិមានដូចជា ៖

• សិទ្ធិនៃឯករាជ្យភាព
• សិទ្ធិនៃសមភាពខាងផ្លូវច្បាប់
• សិទ្ធិនៃការពារខ្លួន ។

១៤- ភារកិច្ចរបស់រដ្ឋមានដូចជា​ ៖

• ចៀសវាងពីការអន្តរាគមន៍ដោយប្រដាប់អាវុធ និងមិនប្រើប្រាស់អាវុធនៅក្នុងប្រទេសដទៃទៀត ។
• ចៀសវាងការបង្កឡើងនូវជម្លោះស៊ីវិលនៅក្នុងរដ្ឋដទៃទៀត​
• គោរពនូវរាល់កាតព្វកិច្ចសន្ធិសញ្ញានានា
• ចៀសវាងការបំពុលទឹក និងដែនអាកាស
• ដោះស្រាយជម្លោះនានាដោយសន្តិវិធី ។

១៥- យុត្តាធិការរបស់រដ្ឋមានដូចជា ៖

• រដ្ឋមានយុត្តាធិការផ្តាច់មុខលើប្រជាពលរដ្ឋ និងទ្រព្យសម្បត្តិនៅក្នុងព្រំដែនជាតិរបស់ខ្លួន ។
• អ្នកការទូតនិងទីកន្លែងការទូត ត្រូវរួចផុតពីយុត្តាធិការនៃរដ្ឋ ម្ចាស់ផ្ទះ ។
• រដ្ឋអាចនាំជនជាតិរបស់ខ្លួន ដែលបានប្រព្រឹត្តបទល្មើសនៅបរទេសមកកាត់ទោស(ក្នុងទឹកដី)​ ។
• រដ្ឋអាចកាត់ទោសជនបរទេស ដែលបានប្រព្រឹត្តបទល្មើសនៅក្នុងទឹកដីរបស់ខ្លួនទៅតាមនីតិវិធី និងបទដ្ឋានច្បាប់របស់ខ្លួន មិនមែនតាមនីតិវិធីប្រទេសរបស់ជនល្មើសឡើយ ។
• រដ្ឋអាចរឹបអូសទ្រព្យសម្បត្តិរបស់ជនបរទេសដរាបណាធ្វើឡើងដើម្បីបម្រើផលប្រយោជន៍សាធារណៈ ដោយមានបំណងសមស្របទៅតាមពេលវេលា ។

តភាគ