តើកតញ្ញុតា និងកតវេទិតាមានអត្ថន័យដូចម្តេច? និងខុសគ្នាយ៉ាងណា? ចូរពន្យល់។

ជាធម៌ដែលបុគ្គលគ្រប់រូបត្រូវយល់ដឹង និងអនុវត្តជាប់ជានិច្ចដើម្បីចៀសវាងការប្រមាថ មាក់ងាយពីអ្នកដទៃដែលនាំឱ្យ អាប់ឱនសិរីសួស្តី។ ការយល់ដឹង និងការអនុវត្តបានល្អនូវធម៌ទាំងពីរនេះនឹងដឹកនាំឱ្យបុគ្គលនោះឱ្យក្លាយជាមនុស្សមានភាពថ្លៃថ្នូរក្នុងសង្គមប្រកបដោយសិរីសួស្តី និងសុភមង្គល។ កតញ្ញុតាធម៌ ជាការដឹងគុណ ការទទួលស្គាល់គុណបំណាច់ដ៏ធំធេងរបស់បុព្វការីជនមានមាតាបិតា ឬអ្នកដទៃដែលបានធ្វើចំពោះយើង។ កតវេទីតា ជាការតបស្នងចំពោះលោកអ្នកដ៏មានគុណ។ ពាក្យកតញ្ញុតា និងកតវេទីតាមានអត្ថន័យផ្សេងគ្នា តែគេច្រើនប្រើពាក្យនេះបញ្ចូលគ្នា គឺតកញ្ញុកតវេទិតាដែលមានន័យថា ជាការដឹងគុណផង និងជាការតបគុណផង។ បុត្រធីតាគ្រប់រូបត្រូវអប់រំខ្លួនឱ្យក្លាយជាមនុស្សដឹងគុណមាតាបិតាខិតខំតបស្នងសងគុណលោកទាំងពីរវិញ។