សំណួរ-ចម្លើយ ត្រៀមប្រឡងគយ (ភាគ១៣)

សំណួរ

៦១- តើអគ្គនាយកដ្ឋានគយនិងរដ្ឋាករមានតួនាទីនិងភារកិច្ចដូចម្តេច ?

៦២- តើការត្រួតពិនិត្យនិងមិនត្រូវបានធ្វើលើបណ្តាកញ្ចប់ប្រៃសណីយ៍អ្វីខ្លះ ?

៦៣- តើទំនិញនាំចូលតាមរបបអាគារលក់ទំនិញរួចពន្ធមានបែបបទដូចម្តេច ?

៦៤- តើការស្នើសុំផ្ទៀតផ្ទាត់តម្លៃពន្ធគយត្រូវមានឯកសារភ្ជាប់អ្វីខ្លះ ?

ចម្លើយ

៦១- តួនាទីនិងភារកិច្ចអគ្គនាយកដ្ឋានគយនិងរដ្ឋាករមានដូចជា ៖

• ជាស្ថាប័នជំនាញពាក់កណ្តាលប្រដាប់អាវុធ
• មានសមត្ថកិច្ចតាមផ្លូវច្បាប់ក្នុងការត្រួតពិនិត្យ ប្រមូលពន្ធអាករ និងកម្រៃគ្រប់ប្រភេទលើទំនិញនាំចេញនិងនាំចូល
• គ្រប់គ្រង ត្រួតពិនិត្យ លើទំនិញនាំចេញ-នាំចូលគ្រប់ប្រភេទ
• បង្ការ និងបង្រ្កាបបទល្មើសពន្ធគយ
• បង្កភាពងាយស្រួលដល់ពាណិជ្ជកម្មអន្តរជាតិ ។

៦២- ការត្រួតពិនិត្យនិងមិនត្រូវបានធ្វើលើបណ្តាកញ្ចប់ប្រៃសណីយ៍មានដូចជា ៖

• កញ្ចប់បញ្ញើ​ ដោយសកម្មភាពកុងស៊ុលឬការទូត
• ប្រៃសណីយ៍បត្រឬលិខិតដែលមានតែសារផ្ទាល់ខ្លួនសម្រាប់មនុស្សពិកាភ្នែក
• ឯកសារបោះពុម្ពដែលមិនមែនជាកម្មវត្ថុនៃការជាប់ពន្ធ
• កញ្ចប់ប្រៃសណីយ៍ដែលដឹកជញ្ជូនឆ្លងកាត់ជាអន្តរជាតិ ។

៦៣- ទំនិញនាំចូលតាមរបបអាគារលក់ទំនិញរួចពន្ធមានបែបបទដូចជា ៖

• ត្រូវមានលិខិតអនុញ្ញាតនាំចូលដែលចេញដោយ អគរ (នាយកដ្ឋានរដ្ឋាករ) រាល់ពេលនាំចូល
• ត្រូវមានឃ្លាំងសម្រាប់ស្តុក​និងអាគរលក់ទំនិញរួចពន្ធដើម្បីដំណើរការអជីវកម្មស្របតាមកិច្ចសន្យា
• ការបំពេញបែបបទនាំចូល ការបង់កម្រៃ Duty Free ត្រូវធ្វើនៅមាត់ច្រកនាំចូលតាមបណ្តា ការិយាល័យសាខាគយនិងរដ្ឋាករពាក់ព័ន្ធតាមច្បាប់និងនីតិវិធីជាធរមាន​។

៦៤- ការស្នើសុំផ្ទៀតផ្ទាត់តម្លៃពន្ធគយត្រូវមានឯកសារភ្ជាប់ដូចជា ៖

• វិក្កយបត្រពាណិជ្ជកម្ម បញ្ជីវេចខ្ចប់ និងអញ្ញត្តិប័ណ្ណ ចំនួន៣ច្បាប់
• វិញ្ញាបនបត្រចុះបញ្ជីអាករលើតម្លៃបន្ថែម ប័ណ្ណប៉ាត់ លិខិតផ្ទេរសិទ្ធិ អត្តសញ្ញាណបណ្ណ ឬលិខិតឆ្លងដែនម្ចាស់ទំនិញនិងអ្នកតំណាង

ក្នុងករណីខ្លះ មន្រ្តីគយមានសមត្ថកិច្ចអាចតម្រូវឲ្យធុរជនពាក់ព័ន្ធផ្តល់ឯកសារគាំទ្របន្ថែមទៀតដូចជា ៖

• កិច្ចសន្យាលក់ ប័ណ្ណបញ្ជាទិញ លិខិតបញ្ជាក់ប្រតិបត្តិការតាមធនាគារ តារាងតម្លៃសាធារណៈ និងឯកសារផ្សេងទៀតដែលពាក់ព័ន្ធនឹងកិច្ចចម្លងការ ឬការទូទាត់
• ឯកសារដែលបញ្ជាក់ពីអត្តសញ្ញាណ ឬយថាប្រភេទលម្អិតច្បាស់លាស់នៃទំនិញ ។

តភាគ