សំណួរ-ចម្លើយ សទ្ទានុក្រម នីតិវិធីរដ្ឋប្បវេណី (ភាគ១៨)

សំណួរ

៨៦- តើសិទ្ធិលើបំណុលសំដៅដល់អ្វី ?

៨៧- តើសេចក្តីថ្លែងការណ៍សំដៅដល់អ្វី ?

៨៨- តើសំណើទិញសំដៅដល់អ្វី ?

៨៩- តើសំអាងហេតុនៃសាលក្រមសំដៅដល់អ្វី ?

ចម្លើយ

៨៦- សិទ្ធិលើបំណុល សំដៅដល់សិទ្ធិទាមទាររបស់បុគ្គលម្នាក់ (ម្ចាស់បំណុល) ចំពោះបុគ្គលម្នាក់ទៀត (កូនបំណុល) ឲ្យផ្តល់នូវវតាវកាលិកអ្វីមួយ ។

៨៧- សេចក្តីថ្លែងការណ៍ សំដៅដល់សេចក្តីអះអាងដោយវាចាក្តី ដោយលាយលក្ខណ៍អក្សរក្តី ដែលរៀបរាប់អំពីអង្គហេតុ អំពីគោលបំណងណាមួយ ។

៨៨- សំណើទិញ សំដៅដល់ការស្នើជាតម្លៃ ដែលធ្វើឡើងដោយអ្នកចូលរួមដេញថ្លៃ ក្នុងការលក់ឡាយឡុង (អ្នកស្នើទិញ) ។

៨៩- សំអាងហេតុនៃសាលក្រម សំដៅដល់ផ្នែកមួយនៃសាលក្រម ដែលបង្ហាញអំពីយោបល់របស់ចៅក្រម ក្នុងក្របខណ្ឌនៃអង្គហេតុ ចំណុចវិវាទ និងច្បាប់ ដែលត្រូវយកមកអនុវត្តក្នុងដំណើរការវិនិច្ឆ័យសេចក្តី ។

តភាគ