សំណួរ-ចម្លើយ អនុក្រឹត្យស្តីពីការរៀបចំនិងការប្រព្រឹត្តទៅនៃ គណៈកម្មាធិការជាតិវាយតម្លៃសេវាសាធារណៈ (ភាគ២)

សំណួរ

៦- តើព័ត៌មាននៃការផ្តល់សេវាសាធារណៈនីមួយៗត្រូវផ្សព្វផ្សាយជាសាធារណៈតាមរយៈកម្រងព័ត៌មានសេវាសាធារណៈនិងមធ្យោបាយអ្វីខ្លះ ?

៧- តើបណ្ណផ្សព្វផ្សាយត្រូវចែងឲ្យច្បាស់លាស់អំពីអ្វីខ្លះ ?

៨- តើភាពងាយស្រួលក្នុងការទទួលយកសេវាមានលក្ខណៈវិនិច្ឆ័យមានអ្វីខ្លះ ?

៩- តើភាពយកចិត្តទុកដាក់ក្នុងការទទួលអ្នកប្រើប្រាស់សេវាសំដៅដល់អ្វី ?

១០- តើភាពយកចិត្តទុកដាក់ក្នុងការទទួលអ្នកប្រើប្រាស់សេវាមានលក្ខណវិនិច្ឆ័យអ្វីខ្លះ ?

ចម្លើយ

៦- ព័ត៌មាននៃការផ្តល់សេវាសាធារណៈនីមួយៗត្រូវផ្សព្វផ្សាយជាសាធារណៈតាមរយៈកម្រងព័ត៌មានសេវាសាធារណៈនិងមធ្យោបាយមានដូចជា ៖

• បណ្ណផ្សព្វផ្សាយ
• បណ្ណប្រកាស
• ព្រឹត្តិបត្រ គេហទំព័រ ទូរទស្សន៍ វិទ្យុ សារព័ត៌មាន ការបិទផ្សាយក្បែរបរិវេណទ្វារចេញចូល ឬនៅលើជញ្ជាំង ឬតាមទីតាំងណាដែលងាយមើលឃើញដោយសរសេរឲ្យបានធំៗ ។

៧- បណ្ណផ្សព្វផ្សាយត្រូវចែងឲ្យច្បាស់លាស់អំពី ៖

• ប្រភេទសេវាសាធារណៈនីមួយៗដែលផ្តល់ដោយក្រសួង ស្ថាប័ន
• តម្លៃនៃសេវាសាធារណៈនីមួយៗ
• រយៈពេលនៃការទទួលបានសេវាសាធារណៈបន្ទាប់ពីអ្នកផ្តល់សេវាសាធារណៈទទួលពាក្យស្នើសុំ និងឯកសារតម្រូវពីសំណាក់អ្នកប្រើប្រាស់សេវាសាធារណៈ
• លក្ខខណ្ឌក្នុងការទទួលបានសេវាសាធារណៈ
• ម៉ោងបំពេញការងារ មធ្យោបាយទំនាក់ទំនង ថ្ងៃឈប់សម្រាក
• ឯកសារតម្រូវដើម្បីទទួលបានសេវាសាធារណៈ
• កន្លែងដាក់ពាក្យនិងកន្លែងទទួលសេវាសាធារណៈ
• ប្រភពលិខិតបទដ្ឋានគតិយុត្តពាក់ព័ន្ធដែលអ្នកប្រើប្រាស់សេវាសាធារណៈអាចពិនិត្យឬទទួលបាន
• យន្តការព័ត៌មានត្រឡប់និងបណ្តឹងតវ៉ា ។

៨- ភាពងាយស្រួលក្នុងការទទួលយកសេវាមានលក្ខណៈវិនិច្ឆ័យមានដូចជា ៖

• ទីតាំងនិងហេដ្ឋារចនាសម្ព័ន្ធ
• នីតិវិធីនិងលក្ខខណ្ឌ ។

៩- ភាពយកចិត្តទុកដាក់ក្នុងការទទួលអ្នកប្រើប្រាស់សេវា សំដៅដល់សមត្ថភាពរបស់ក្រសួងស្ថាប័ន និងអ្នកផ្តល់សេវាសាធារណៈក្នុងការប្រើប្រាស់មធ្យោបាយនិងនីតិវិធីការងារ ដើម្បីដោះស្រាយឬឆ្លើយតបទៅនឹងសំណូមពររបស់អ្នកប្រើប្រាស់សេវាសាធារណៈ ។

១០- ភាពយកចិត្តទុកដាក់ក្នុងការទទួលអ្នកប្រើប្រាស់សេវាមានលក្ខណវិនិច្ឆ័យដូចជា ៖

• ការទទួល
• យន្តការសម្របសម្រួល
• វិធានការកែលម្អ
• យន្តការដោះស្រាយ ។

តភាគ