សំណួរ-ចម្លើយ ច្បាប់ (ភាគ២៣)

សំណួរ

១១- តើនីតិកម្មមានន័យដូចម្តេច ?

១២- តើនីតិកាលមានន័យដូចម្តេច ? ចូរឲ្យឧទាហរណ៍ ?

១៣- តើនីតិនិយមមានន័យដូចម្តេច ?

១៤- តើនីតិប្បញ្ញត្តិមានន័យដូចម្តេច ?

១៥- តើនីតិក្រមមានន័យដូចម្តេច ?

ចម្លើយ

១១- នីតិកម្មមានន័យថា ៖

• ការធ្វើច្បាប់
• សិទ្ធិតែងច្បាប់
• អង្គច្បាប់ សម្រាប់រដ្ឋនីមួយៗ ។

១២- នីតិកាលមានន័យថា កាលរបស់នីតិ រយៈកាលរបស់សភាអ្នកតែងច្បាប់ ។ ឧទាហរណ៍ នីតិកាលនៃសភាពទាំងពីរមានកំណត់តែត្រឹម៤ឆ្នាំ ។

១៣- នីតិនិយមមានន័យថា ៖

• ការកំណត់យកតាមច្បាប់
• សេចក្តីស្មោះត្រង់ចំពោះច្បាប់រាជការសម្រប់រដ្ឋ ។

១៤- នីតិប្បញ្ញត្តិមានន័យថា បញ្ញត្តិរបស់ច្បាប់ ការតែងតាំងច្បាប់ ការបង្គាប់ឲ្យធ្វើតាម​ច្បាប់ ។ ឧទាហរណ៍ នីតិប្បញ្ញត្តិជាភារៈរបស់សភា ។

១៥- នីតិក្រមមានន័យថា លំដាប់នៃច្បាប់ ទម្រង់ការរបស់ច្បាប់ គឺរបៀបដែលចៅក្រមត្រូវធ្វើក្នុងការអង្កេតពិនិត្យសាកសួរ ពីបទល្មើសផ្សេងៗ ។

តភាគ