Blog វិញ្ញាសាមុខវិជ្ជាជីវៈវិទ្យា ( វិញ្ញសាទី១៥ )

សំនួរ                             

១. ចូរប្រៀបធៀបការបំបែកអាហារតាមបែបមេកានិចនិងគីមី ?

២.ចូរសង្ខេបការបំបែកអាហារតាមបែបគីមី ?

៣. ហេតុអ្វីបានជាជ្រាំងពោះវៀនបង្កើនផ្ទៃសសម្រូបអាហារ ?

៤. ចូរពណ៌នាពីទម្រង់ជ្រាំងពោះវៀន ?

៥. តើរសរំលាយអាហារនិងអង់ស៊ីមខុសគ្នាដូចម្តេច ?     

៦. ចូរប្រៀបធៀបពោះវៀនធំនិងពោះវៀនតូច ?      

ចម្លើយ

១. ប្រៀបធៀបការបំបែកអាហារតាមបែបមេកានិចនិងគីមីៈ

តាមបែបមេកានិចៈ គឺជាការបំបែកដោយប្រើធ្មេញនិងអណ្តាតធ្មេញបំបែកអាហារធំៗឲ្យទៅជាដុំតូចៗ ។ អណ្តាតជាសរីរាង្គវិញ្ញាណសម្រាប់ដឹងរសជាតិអាហារ និងប្រមូលអាហារឲ្យចូលទៅកន្លែងខាំឬទំពារ  ។

តាមបែបគីមីៈ ក៏ធ្វើឡើងព្រមគ្នាជាមួយមេកានិចដែរ ។ បញ្ចេញទឹកមាត់ផ្សើមអាហារធ្វើឲ្យមហារអិលទន់និងបំបែកអាហារ ។

២. សង្ខេបការបំបែកអាហារតាមបែបគីមីៈ      

មាត់ៈ វាបញ្ចេញទឹកមាត់ផ្សើមអាហារធ្វើឲ្យអាហាររអិលទន់និង បំបែកអាហារ ព្រោះទឹកមាត់មានអង់ស៊ីមអាមីឡាសដែលបំបែកអាមីដុង ។

ក្រពេះ ក្រពេះមានក្រពេញបីប្រភេទដែលបញ្ចេញរសក្រពេះ  ។ កាលណាអាហាររធ្លាក់ដល់ក្រពេះវាភ្លោចក្រពេះទាំងនោះឲ្យមានសកម្មភាព ។ ក្រពេញទី១ បញ្ចេញអាស៊ីតក្លរីឌ្រីច បំបែកអាហារក្រពេញទី២ បញ្ចេញអង់ស៊ីមប៉ិនស៊ីន បំបែកដោយក្រពេះ ( ស៊ីម ) ធ្លាក់ចូលគល់ពោះវៀនតូច ។ ស៊ីមច្របល់ជាមួយសារធាតុដែលបញ្ចេញដោយថ្លើម លំពែង និងពោះវៀនបង្កើតជាមជ្ឈដ្ឋានបាស ( អាល់កាឡាំង ) អាចបន្សាបជាតិអាស៊ីតនៅក្នុងអាហារ និងជួយរំលាយអាហារ ។

៣.​បានជាជ្រំាងពោះវៀនបង្កើនផ្ទៃសម្រូបអាហារ ព្រោះផ្ទៃខាងក្នុងនៃពោះវៀនតូចមានភាពរដិតរដុបផុសឡើងច្រើនដូចម្រាមដៃ ។

៤. ទម្រង់ជ្រាំងពោះវៀនៈ ជ្រាំងពោះវៀននីមួយៗពាសដោយស្រទាប់ជាលិកាអេពីតេល្យូមមួយស្រទាប់សរសៃប្តូរ ( អាកទែវ៉ែន ) និងសរសៃទឹករងៃ ។

៥. រសរំលាយអាហារនិងអង់ស៊ីមខុសគ្នាត្រង់ៈ

រសរំលាយអាហារៈ គឺបញ្ចេញដោយក្រពេញរំលាយអាហារ ( ក្រពេញទឹកមាត់ ថ្លើម លំពែង និងពោះវៀនតូច ) សម្រាប់រំលាយអាហារ ។

អង់ស៊ីមៈ ជាប្រូតេអ៊ីន មួយប្រភេទជួយបង្កើនល្បឿនប្រតិកម្មរំលាយអាហារ ។

៦. ប្រៀបធៀបពោះវៀនធំនិងពោះវៀនតូចៈ       

ពោះវៀនធំ

• ជាសរីរាង្គចុងក្រោយនៃប្រដាប់រំលាយអាហារ ។ វាមានរាងជាបំពង់វែងប្រហែល ១. ៥ ម និងអង្កត់ផ្ចិត ធំជាងអង្កត់ផ្ចិតពោះរៀនតូចពី២ ទៅ៣ ដង ។
• ក្នុងពោះវៀនធំគ្មានការ បំបែកអាហារអ្វីទាំងអស់ ។ ​

• ជាសរីរាង្គចុងក្រោយដែលបំបែកអាហារ ។ ក្នុងពោះវៀនតូចការបំបែកតាមបែបគីមី ប្រព្រឹត្តទៅយ៉ាងសកម្មក្រោមអំពើរបស់អង់ស៊ីម ។
• នៅស្រទាប់ខាងក្នុងនៃផ្ទៃពោះវៀនមានក្រពេញជាច្រើនដែលបញ្ចេញរសពោះវៀនដែលជាអង់ស៊ីមរំលាយអាហារ ។