បើស្លាប់ដោយសារតែដើរម្នាក់ឯង_ក៏ស្លាប់ចុះ

នៅពេលដែលដើរដល់ចំណុចមួយដែលមិនមានអ្នកណា នោះអ្នកនឹងដឹងថាជីវិតអ្នកពិតជាសែនមានសេរីភាព។ កុំគិតថាជីវិតខ្លួនឯងវាពិតជាឯកាណាស់ដោយសារតែគ្មានអ្នកនៅក្បែរ អន់ចិត្តណាស់ព្រោះខ្លួនទៅណាមកណាក៏តែឯង។

យូរៗទៅវានឹងក្លាយជាទម្លាប់ហើយ មិនដែលឃើញនរណាដែលនឹងនៅជាមួយយើងរហូតតាំងពីដើមហើយមិនមែនឬ? គេចូលមកដើម្បីតែចង់ស្គាល់យើង ដើម្បីយកអ្វីបន្តិចបន្តួចដែលយើងមានព្រោះតែចង់បំពេញចំណងគេតែប៉ុនហ្នឹង។

វ័យប៉ុននេះហើយ ប្រសិនជាគ្មាននរណាហើយស្លាប់ ក៏ស្លាប់ចុះ។ ដោយហេតុយើងទន់ជ្រាយ គ្មានភាពរឹងមាំ មិនចេះដើរតែម្នាក់ឯង ប្រហែលជាមានច្រើនអ្នកមានអារម្មណ៍ថា "ឯកាណាស់ ពេលទៅណាមកណាគ្មានគ្នា មើលទៅហាក់ដូចជាស្គមៗសូម្បីតែទៅញាុំអាហារដែលខ្លួនចង់ញាុំ ក៏បបួលគ្នាទៅឱ្យអង្គុយកំណរដែរ"។ គ្មានអ្នកណាអាចកំដរយើងបានរហូតទេ ហាត់រៀនប្រើជីវិតតែម្នាក់ឯងខ្លះទៅ ប្រសិនជាមិនចាំបាច់កុំពឹងនរណាអី ព្រោះគេអាចវាយតម្លៃយើងបាន។ ចាំថាពេលដែលយើងកើតមកគ្មាននរណាមកជាមួយ ក្រៅពីយើងខ្លួនឯងនោះទេ។

អត្ថបទ: ខ្លឹមសារ-KlemSa