Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

មន្ត្រីការពារជាតិអាមេរិកម្នាក់បានប្រាប់ CNN ថា កងទ័ពអាមេរិកប្រហែល ៣,០០០ នាក់ នឹងទៅដល់ប្រទេសអាហ្វហ្គានីស្ថាន ដើម្បីជួយដល់ការចាកចេញរបស់អ្នកការទូតអាមេរិក និងការជម្លៀសដែលអាចកើតមាន។

 

សូមចុច Subscribe Channel Telegram កម្ពុជាថ្មីដើម្បីទទួលបានព័ត៌មានថ្មីៗទាន់ចិត្ត

កងទ័ពទាំងនេះ នឹងផ្តល់សន្តិសុខដល់បុគ្គលិកអាមេរិក។

 

 

អ្នកនាំពាក្យក្រសួងការបរទេសអាមេរិក លោក Ned Price បាននិយាយនៅក្នុងសន្និសីទសារព័ត៌មានខ្លីមួយកាលពីថ្ងៃព្រហស្បតិ៍ថា “យោធានឹងនៅទីនោះ ដើម្បីជួយដល់ការជម្លៀសបុគ្គលិករបស់យើង ប្រកបដោយសណ្តាប់ធ្នាប់និងដោយសុវត្ថិភាព”។

 

“ខ្ញុំរំពឹងថា យោធានឹងជួយដល់ប្រតិបត្តិការជម្លៀសទាំងនេះ ប៉ុន្តែដូចដែលយើងដឹងហើយថា អាកាសយានដ្ឋានអន្តរជាតិ Hamid Karzai នៅតែបើកដំណើរការដដែល ជើងហោះហើរពាណិជ្ជកម្មនៅតែបន្តចុះឡើងនៅព្រលានយន្តហោះ។ ដូច្នេះយោធា មិនមែនជាមធ្យោបាយតែមួយគត់ដែលចូលឬចេញពីប្រទេសអាហ្វហ្គានីស្ថាននោះទេ”។

 

 

អ្នកនាំពាក្យក្រសួងការបរទេសអាមេរិក លោក Ned Price

ទោះបីជាយ៉ាងណាក៏ដោយ លោកនិយាយថា នេះមិនមែនជាការជម្លៀសពេញលេញទេ។ វាជាការបែងចែកដ៏សំខាន់រវាងការធ្វើផែនការ និងការធ្វើផែនការបន្ទាន់។

 

រឿងនេះបានកើតឡើងបន្ទាប់ពីក្រុមតាលីបង់ វាយដណ្តើមយកទីក្រុងមួយទៀត ពីកងកម្លាំងអាហ្វហ្គានីស្ថាន ខណៈក្រុមឥស្លាមនិយមមួយនេះ កំពុងរុលទៅមុខបន្តិចម្តងៗ ចូលកាន់តែកៀករដ្ឋធានី កាប៊ុល។

 

 

ទីក្រុង Ghazni គឺជាការដួលរលំចុងក្រោយបង្អស់របស់អាហ្វហ្គានីស្ថាន ខណៈក្រុមយុទ្ធជនតាលីបង់បានថតសកម្មភាពពួកគេ ដើរដង្ហែកណ្តាលទីក្រុងកាលពីព្រឹកថ្ងៃព្រហស្បតិ៍។

 

ឥឡូវនេះ តាលីបង់បានគ្រប់គ្រងពីរភាគបីនៃប្រទេស ខណៈកងកម្លាំងរដ្ឋាភិបាលបានដកថយស្ទើរតែគ្រប់តំបន់ទាំងអស់ លើកលែងតែទីក្រុងកាប៊ុលប៉ុណ្ណោះដែលជាទីក្រុងតែមួយគត់ មិនទាន់ត្រូវបានវាយប្រហារដោយផ្ទាល់៕



×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login