វិញ្ញាសាប្រវត្តិវិទ្យា ប្រឡងថ្នាក់ជាតិ ថ្នាក់ទី១២ ០៦ សីហា ២០១២ (ថ្នាក់វិទ្យាសាស្ត្រ)

ប្រឡងថ្នាក់ជាតិ ថ្នាក់ទី១២
សម័យប្រឡងៈ ០៦ សីហា ២០១២
វិញ្ញាសាៈ ប្រវត្តិវិទ្យា (ថ្នាក់វិទ្យាសាស្ត្រ)
រយៈពេលៈ ៦០នាទី
ពិន្ទុៈ ៥០ពិន្ទុ

I.(៧ពិន្ទុ)

   ១.តើអង្គការកុំម៉ុនវិលត្រូវបានបង្កើតឡើងក្នុងគោលបំណងអ្វី?

   ២.នៅក្រោយសង្គ្រាមលោកលើកទី២ តើអង់គ្លេសបន្សល់ទុកនូវផលវិបាកអ្វីខ្លះចំពោះប្រទេសនៅក្រោមអាណានិគមរបស់ខ្លួន?

II.(៧ពិន្ទុ)

   ១.ហេតុអ្វីបានជាប្រជាជនអាឡឺម៉ង់ខាងកើតភៀសខ្លួនទៅកាន់អាឡឺម៉ង់ខាងលិច?

   ២.តើរដ្ធាភិបាលអាឡឺម៉ង់ខាងកើតមានវិធានការយ៉ាងណាដើម្បីទប់ស្កាត់ការភៀសខ្លួនចេញនៃប្រជាជនរបស់ខ្លួន?

   ៣.ហេតុអ្វីបានជាបញ្ហាភៀសខ្លួននេះនាំឱ្យមានផលវិបាកដល់សេដ្ធកិច្ចអាឡឺម៉ង់ខាងកើត?

III.(៨ពិន្ទុ)

   ១.តើលោកប្រធានាធិបតី ហ្វ្រង់គ្លីន រូស្វែល បានអនុវត្តវិធានការថ្មីអ្វី ដើម្បីដោះស្រាយវិបត្តិសេដ្ធកិច្ចពិភពលោកឆ្នាំ ១៩២៩ - ១៩៣៣?

   ២.ក្នុងការអនុវត្តវិធានការថ្មី ដើម្បីព្យាបាលវិបត្តិសេដ្ធកិច្ចនេះ តើលោកប្រធានាធិបតីសហរដ្ធអាមេរិកបានបង្កើតភ្នាក់ងារអ្វីខ្លះ ហើយភ្នាក់ងារនីមួយមានទិសដៅអ្វីខ្លះ?

IV.(៨ពិន្ទុ) តើជីវិតរស់នៅរបស់ប្រជាជនកម្ពុជាក្នុងរបបកម្ពុជាប្រជាធិបតេយ្យ ជួបប្រទះនឹងបញ្ហាអ្វីខ្លះ?

V.(១០ពិន្ទុ)

   ១.ចូរប្រៀបធៀបតួនាទីសភានៃសាធារណរដ្ធទី៤ និងសាធារណរដ្ធទី៥ នៃប្រទេសបារាំង?

   ២.តើសាធារណរដ្ធទី៤នៃប្រទេសបារាំង បានធ្វើសកម្មភាពអ្វីខ្លះក្នុងការស្តារសេដ្ធកិច្ច និងសង្គម?

VI.(១០ពិន្ទុ)

   ១.តើព្រះរាជាខ្មែរ ដែលបានសោយរាជ្យក្នុងសម័យអាណានិគមនិយមបារាំងមានព្រះនាមអ្វីខ្លះហើយបានសោយរាជ្យពីឆ្នាំណាដល់ឆ្នាំណាខ្លះ?

   ២.ហេតុអ្វីបានជាប្រជាជនកម្ពុជាតស៊ូទាមទារឯករាជ្យពីពួកអាណានិគមនិយមបារាំង?

ចម្លើយ

I.(៧ពិន្ទុ)

១.អង្គការកុំម៉ុនវិលត្រូវបានបង្កើតឡើងក្នុងគោលបំណង៖

• គ្រប់គ្រងសេដ្ធកិច្ចប្រទេសដែលធ្លាប់ស្ថិតនៅក្រោមអាណានិគម
• ធ្វើកិច្ចសហប្រតិបត្តិការរវាងប្រទេសទាំងឡាយដែលជាអតីតស្ថិតក្រោមអាណានិគមអង់គ្លេស។

២.នៅក្រោយសង្គ្រាមលោកលើកទី២ អង់គ្លេសបន្សល់ទុកនូវផលវិបាកចំពោះប្រទេសនៅក្រោមអាណានិគម៖

• បញ្ហាដែនដី (អ៊ុយស្ទ័រ ការស្មៀ អ៊ីស្រាអែល..)
• បញ្ហាសាសនា (ហិណ្ឌូ និងអ៊ីស្លាម)
• បញ្ហាប្រកាន់ពូជសាសន៍ (របបអាប៉ាថេត)។

II.(៧ពិន្ទុ)

១.បានជាប្រជាជនអាឡឺម៉ង់ខាងកើតភៀសខ្លួនទៅកាន់អាឡឺម៉ង់ខាងលិចដោយសារ៖

• អាឡឺម៉ង់ខាងលិចជាប្រទេសសេរី
• សេដ្ធកិច្ចអាឡឺម៉ង់ខាងលិចមានភាពរីកចម្រើន។

២.ដើម្បីទប់ស្កាត់ការភៀសខ្លួនចេញនៃប្រជាជនរបស់ខ្លួន រដ្ធាផិបាលអាឡឺម៉ង់ខាងកើតមានវិធានការ៖

• បិទច្រកចេញចូលក្រុងប៊ែរឡាំង
• កសាងកំពែងកាត់ទីក្រុងប៊ែរឡាំងមានប្រវែង ៤២គីឡូម៉ែត្រ។

៣.បានជាបញ្ហាភៀសខ្លួននេះនាំឱ្យមានផលវិបាកដល់សេដ្ធកិច្ចអាឡឺម៉ង់ខាងកើត ព្រោះ៖

• បាត់បង់ធនធានមនុស្ស ដូចជាបញ្ញាវ័ន្ត កម្មករជំនាញ។

III.(៨ពិន្ទុ)

១.លោកប្រធានាធិបតី ហ្វ្រង់គ្លីន រូស្វែល បានអនុវត្តវិធានការថ្មី គឺ ញូវន័ល ដើម្បីជួយសង្គ្រោះសេដ្ធកិច្ចជាបន្ទាន់។

២.ក្នុងការអនុវត្តវិធានការថ្មី ដើម្បីព្យាបាលវិបត្តិសេដ្ធកិច្ចនេះ លោកប្រធានាធិបតីសហរដ្ធអាមេរិកបានបង្កើតភ្នាក់ងារអ្វី៖

• ភ្នាក់ងាររដ្ធបាលសហព័ន្ធ (១៩៣៣) ដើម្បីជួយអ្នកអត់ឃ្លាន គ្មានទីជម្រកនិងគ្មានការងារធ្វើ
• ភ្នាក់ងារកិច្ចការរដ្ធបាលស៊ីវិល បង្កើតការងារជាច្រើនដូចជា កសាងផ្លូវ សាលារៀន ស្ពាន
• ភ្នាក់ងាររដ្ធបាលសាធារណៈ ជួយកសិករបង្កើនប្រាក់ចំណូល
• ភ្នាក់ងារមូលនិធិសាជីវកម្មកម្ចីៈ ជួយប្រាក់ដល់ប្រជាជន ដើម្បីមានប្រាក់បង់ការទៅម្ចាស់បំណុល
• ភ្នាក់ងារជួយយុវជនៈ ជួយយុវជនដែលមានអាយុចន្លោះ ១៨ ២៥ ឆ្នាំបោះជំរុំនៅជនបទ ដាំដើមឈើ
• បង្កើតច្បាប់ធនាគារ គឺជួយធនាគារឱ្យបើកទ្វារឡើងវិញ ដោយផ្តល់ប្រាក់កម្ចី

IV.(៨ពិន្ទុ) វិតរស់នៅរបស់ប្រជាជនកម្ពុជាក្នុងរបបកម្ពុជាប្រជាធិបតេយ្យ ជួបប្រទះនឹងបញ្ហា៖

• គ្មានសិទ្ធិសេរីភាព
• ធ្វើពលកម្មហួសកម្លាំង ហូបមិនគ្រប់គ្រាន់ គ្មានជំរក គ្មានសំលៀកបំពាក់
• ធ្វើទារុណកម្ម កាប់សម្លាប់ដោយគ្មានការជំនុំជំរះ
• លុបបំបាត់ជំនឿសាសនា ប្រពៃណី

V.(១០ពិន្ទុ)

១.ប្រៀបធៀបតួនាទីសភានៃសាធារណរដ្ធទី៤ និងសាធារណរដ្ធទី៥ នៃប្រទេសបារាំង

ភាពដូចគ្នា

• សភាត្រួតពិនិត្យការងាររដ្ធភិបាល
• សភាមានសិទ្ធិរំលាយរដ្ធាភិបាល
• សភាមានអណត្តិ៥ឆ្នាំ

ភាពខុសគ្នា

**សាធារណរដ្ធទី៤

• សភាជ្រើសរើសនាយករដ្ធមន្ត្រី
• សភាជ្រើសតាំងប្រធានាធិបតី
• គ្មានស្ថាប័នព្រឹទ្ធសភា
• សភាមានអំណាចទូលំទូលាយ

**សាធារណរដ្ធទី៥

• ប្រធានាធិបតីជ្រើសរើសនាយករដ្ធមន្តី
• ប្រធានាធិបតីជ្រើសដោយការបោះឆ្នោត
• មានព្រឹទ្ធសភា
• ប្រធានាធិបតីមានអំណាចទូលំទូលាយ

២.សាធារណរដ្ធទី៤នៃប្រទេសបារាំង បានធ្វើសកម្មភាពស្តារសេដ្ធកិច្ច និងសង្គម៖

• ការកសាងហេដ្ធារចនាសម្ព័ន្ធ ថ្នល់ ស្ពាន
• កំណើនផលិតផល ឧស្សាហកម្ម ធនាគារ
• ធ្វើជាតូបនីយកម្មរោងចក្រ ធ្យូងថ្ម ឧស្សាហកម្ម ធនាគារ
• បង្កើតអង្គការសង្គ្រោះសង្គម ជួយអ្នកមានជម្ងឺ គ្រោះថ្នាក់ការងារ ប្រាក់បំណាច់គ្រួសារកម្មករ

VI.(១០ពិន្ទុ)

១.ព្រះរាជាខ្មែរ ដែលបានសោយរាជ្យក្នុងសម័យអាណានិគមនិយមបារាំងមាន៖

• ព្រះបាទនរោត្តម (១៨៦០ - ១៩០៤)
• ព្រះបាទស៊ីសុវត្ថិ (១៩០៤ - ១៩២៧)
• ព្រះបាទស៊ីសុវត្ថ មុនីវង្ស (១៩២៧ - ១៩៤១)
• ព្រះបាទនរោត្តម សីហនុ (១៩៤១ - ១៩៥៥)

២.បានជាប្រជាជនកម្ពុជាតស៊ូទាមទារឯករាជ្យពីពួកអាណានិគមនិយមបារាំងព្រោះ៖

• ព្រះរាជាបាត់បង់អំណាច
• ប្រជាជនកាន់តែក្រទៅៗ ដោយការយកពន្ធខ្ពស់
• លុបបំបាត់វប្បធម៌ ប្រពៃណី ទំនៀមទំលាប សាសនា
• ជិះជាន់ កេងប្រវ័ញ្ច ជញ្ជក់យកប្រយោជន៍ពីខ្មែរ
• កេណ្ឌខ្មែរទៅច្បាំងក្នុងសង្គ្រាមលោក
• ធ្វើឱ្យបាត់បង់ទឹកដី
• ប្រជាជនខ្មែរភ្ញាក់រឡឹកចង់បានសិទ្ធិសេរីភាព អធិតេយ្យភាព
• មានមគ្គុទ្ទេសក៍ដឹកនាំឆ្នើម គឺព្រះបាទនរោត្តម សីហនុ