ចូរនិយាយអំពីរដ្ឋាភិបាល តុលាការ នៅប្រទេសអង់គ្លេស ?

រដ្ឋាភិបាល តុលាការ នៅប្រទេសអង់គ្លេសមានដូចជា ៖

• រដ្ឋាភិបាល  រដ្ឋាភិបាលចែកជារដ្ឋាភិបាលថ្នាក់ជាតិនិងរដ្ឋាភិបាល មូលដ្ឋាន(រដ្ឋាភិបាលថ្នាក់ក្រោមជាតិ) ។
• រដ្ឋាភិបាលថ្នាក់ជាតិ ដឹកនាំដោយនាយករដ្ឋមន្ត្រីមានអំណាចត្រួតពិនិត្យកិច្ចការរបស់ក្រសួងនានា ដែលស្ថិតនៅក្រោមឱវាទ និងក្ដោបក្ដាប់កិច្ចការរដ្ឋទាំងមូលដើម្បីធានាឯករាជភាពអធិបតេយ្យភាព និងបូរណភាពទឹកដីនិងសណ្តាប់ធ្នាប់សន្តិសុខជាតិជាដើម ។
• រដ្ឋាភិបាលថ្នាក់មូលដ្ឋាន កើតឡើងដោយការបោះឆ្នោតរបស់ប្រជាពលរដ្ឋនៅតាមមូលដ្ឋានមានភារកិច្ចផ្តល់សេវានានាក្នុងក្របខណ្ឌមូលដ្ឋានរបស់ខ្លួន ។ រដ្ឋាភិបាលមូលដ្ឋានមានឈ្មោះថាសភាមូលដ្ឋានដែលមានបីថ្នាក់បំពេញមុខងារផ្សេងៗគ្នា ៖

    +  សភាថ្នាក់ខេត្តឬតំបន់ ដែលមានភារកិច្ចដោះស្រាយ សេវាកម្មសំខាន់ៗ ។

    +  សភាថ្នាក់ស្រុក ជាសភាថ្នាក់បន្ទាប់មាននាទីប្រមូលពន្ធដារសម្រាប់ចាយវាយ នៅក្នុងស្រុក  អនុវត្តន៍ច្បាប់ ស្ដីបរិសុខភាពទទួលខុសត្រូវលើសំណង់សាធារណៈ និងបញ្ហាសំរាម ។

    + សភាថ្នាក់ឃុំ មានទំនាក់ទំនងយ៉ាងជិតដិតជាមួយប្រជាពលរដ្ឋតែមានអំណាចតិចតួច ។ គណបក្សនយោបាយធំៗចូលរួមក្នុងការបោះឆ្នោតសភាមូលដ្ឋានហើយបេក្ខជនឈរឈ្មោះជាអ្នករស់នៅក្នុងមូលដ្ឋាន។

     +  តុលាការ ព្រះរាជអាជ្ញាឯករាជជាអ្នកសម្រេចថា តើបុគ្គលណាដែលត្រូវទទួលការជំនុំជម្រះក្តី។ មានវិធីសងជម្ងឺចិត្តដល់អ្នករងគ្រោះមួយដែលមានលក្ខណៈសប្បរសបំផុត ។ ជនជាប់ចោទបទល្មើសព្រហ្មទណ្ឌភាគច្រើនត្រូវមានជំនុំជម្រះក្តី ដោយមានអ្នកជំនាញការច្បាប់ជួយ ។ វិវាទរវាងបុគ្គលនិងបុគ្គលត្រូវបានដោះស្រាយក្នុងតុលាការស៊ីវិលមិនទាក់ទង់នឹងនគរបាលឡើយ ។ ប្រជាពលរដ្ឋអាចឡើងតុលាការស៊ីវិលដើម្បីប្តឹងតវ៉ា នឹងការសម្រេចមិនត្រឹមត្រូវរបស់រដ្ឋអំណាច ។