វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសារទី៥ )

សំនួរ

១. តើឥន្ធនៈផុស៊ីលមានសារៈសំខាន់យ៉ាងណាខ្លះសម្រាប់ជិវ​ភាពរស់នៅ ?

២.​ហេតុអ្វីបានជាសមាសធាតុផ្សំរបស់ភពសិលាខុស​ពីសមាសធាតុផ្សំរបស់ភពឧស្ម័ន ?

៣. តើតេឡេទស្សន៍ជាអ្វី ? មានប៉ុន្មានប្រភេទ ?

៤. ​តើអ្នកវិទ្យាសាស្រ្តនិយម​ប្រើតេឡេទស្សន៍ប្រភេទមួយណាជាគេ ? ហេតុអ្វី ?

៥. តើអ្នកវិទ្យាសាស្រ្តប្រើវិធីអ្វីខ្លះ ដើម្បីចាត់ថ្នាក់សិលា ? តើគេចាត់ថ្នាក់សិលាជាប៉ុន្មាន​ប្រភេទ ? អ្វីខ្លះ ?

ច​ម្លើយ

១. ឥន្ធនៈផូស៊ីលមានសារៈសំខាន់សម្រាប់ជីវភាពរស់នៅ​ដូចជា ឧស្សាហកម្ម គមនាគមន៍ គេហ​ដ្ឋាន កម្តៅ បំភ្លឺ ចម្អិន អាហារ ផលិតថាមពលអគ្គិសនី ... ។

២. បានជាសមាសធាតុផ្សំរបស់ភពសិលា​ខុសពីសមាស​ធាតុផ្សំរបស់ភពឧស្ម័នព្រោះ ៖

• ភពក្នុងស្ថិតនៅជិតព្រះអាទិត្យ មា​នសីតុណ្ហភាពខ្ពស់ និងមានទំនាញខ្សោយ ។ មូលហេតុទាំងពីរនេះ​ធ្វើឲ្យភពក្នុងរក្សាទុកបានតែសារធាតុធ្ងន់ដូចជាសិលា ដែលជាហេតុធ្វើឲ្យភពក្នុងផ្ស​ំ​ឡើងពីសិលា ។
• ភពក្រៅស្ថិតនៅឆ្ងាយពីព្រះអាទិត្យ មានសីតុណ្ហភាពត្រជាក់ និងមានទំនាញខ្លាំង ។ មូលហេតុ​ទាំងពីរនេះធ្វើឲ្យភពក្រៅអាចរក្សាទុកសារធាតុស្រាលៗដូចជា ឧស្ម័នអ៉ីដ្រូសែន ដែលជាមូលហេតុធ្វើឲ្យភពក្រៅភាគច្រើ​​នផ្សំពីឧស្ម័ន ( អ៉ីដ្រូសែន មេតា​ន ... ) ។

៣. តេឡេទស្ស​ន៍គឺជា ឧបករណ៍សម្រាប់ទាញរូបភាពវត្ថុដែល​នៅឆ្ងាយឲ្យមើលឃើញជិត ។ តេឡេទស្សន៍មាន២ប្រភេទគឺ ៖ តេឡេទស្សន៍ចំណាំងបែរ និងតេឡេទស្សន៍ចំណាំង​ផ្លាត ។

៤. អ្នកវិទ្យាសាស្រ្តនិយម​ប្រើតេឡេទស្សន៍ចំណាំងផ្លាតជាងគេព្រោះ គេអាច​ផលិតកញ្ចក់កោងបានធំដើម្បីឲ្យវាប្រមូលពន្លឺបានច្រើនជាងឡង់ទី គេក៏បានធ្វើផ្នែកកោងឲ្យភ្លឺផងដែរដើម្បីការពារពន្លឺជ្រៀតចូលក្នុងកញ្ចក់ ។ ចំណុចល្អ​បំផុតគឺកញ្ច​ក់​ចាំងផ្លាត​ពន្លឺបានគ្រប់ពណ៌ទៅកន្លែងដូច​គ្នា ។

៥. អ្នកវិទ្យាប្រើវិធិដើម្បីចាត់ថ្នាក់សិលាដោយប្រើលក្ខណៈវិនិច្ឆ័យសំខាន់ពីរយ៉ាងគឺ ៖

• សមាសធាតុផ្សំនិង វាយភាព ។

គេចាត់ថ្នាក់សិលាជា​៣ប្រភេទគឺ ៖

• សិលាកម្ទេ​ចកំណ
• សិលាម៉ាក់់ម៉ា
• និងសិលាប្រែកំណើត ។