វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសារទី៩ )

សំនួរ

១. តើការធ្វើអាជីវកម្មរ៉ែ​ផ្តល់ផលប៉ះពាល់អ្វីខ្លះ ដល់បរិស្ថាននិងសង្គម ?

២. តើសំបកផែនដីផ្សំពីអ្វី ?

៣. តើរ៉ែអស​រីរាង្គ និងរ៉ែសរីរាង្គខុសគ្នាដូច​ម្តេ​ច ​?

៤. តើរ៉ែភាគច្រើនកើតមកពីណា ?

៥. តើទំហំក្រាមនៃរ៉ែអាស្រ័យនឹងកត្តាអ្វី ​?

ចម្លើយ

១. ការធ្វើអាជិវកម្មរ៉ែផ្តល់ផលប៉ះពាល់ដល់បរិស្ថាន និងសង្គមដូចជា ៖

• ការបំពុល ( ទឹក ដី ខ្យល់ )
• ការបោះបង់ដីចោល
• ការស្រុតដី
• ការរំខានដោយសូរ​ស័ព្ទ
• តម្រូវ​ការថាមពល
• ប៉ះពាល់ទៅលើបរិស្ថានជីវសាស្រ្ត  ។​

២. សំបកផែនដីផ្សំពីរ៉ែអសរីរាង្គ ​លើកលែងតែមួយផ្នែកតូចផ្សំពីរ៉ែសរីរាង្គ ។

៣. រ៉េអសរីរាង្គ និងរ៉ែសរីរាង្គ ខុសគ្នាដូចជា ៖

• រ៉ែអសរីរាង្គ កើតឡើងដោយធម្មជាតិនៅក្នុងសំបកផែនដីដូចជា​ ដែក ទង់ដែង មាស ប្លាកទីន អាលុយមីញូម .... ។
• រ៉ែសរីរាង្គ កើតឡើងពី ពពួកសារពាង្គកាយមានជិវីតនៅក្នុងសំបកផែនដីដូចជា ធ្យូងថ្ម ប្រេងឆៅ និងឧស្ម័នធម្មជាតិ ។

៤. រ៉ែភាគច្រើនកើតមកពីម៉ាក់ម៉ា និងកំអែភ្នំភ្លើង ។

៥. ទំហំក្រោមនៃរ៉ែអាស្រ័យនឹងអត្រាចុះត្រជាក់នៃម៉ាក់ម៉ា ​។