វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី១១ )

សំនួរ

១​ . តើការជីកយករ៉ែប្រភេទមួយណាប៉ះពាល់ ដល់បរិស្ថានខ្លាំងជាងគេ ​? ហេតុអ្វី ?

២. ការធ្វើអាជិវកម្មរ៉ែនាំឲ្យមានការបំពុល ពិសេសបំពុលទឹក ។ សារធាតុដែលលេចចេញពីសំណលអណ្តូងរ៉ែដូចជា កាត់ម្ញ៉ូម កូបាល ទង់ដែង ។ តើសារធាតុទាំងនេះធ្វើឲ្យប៉ះពាល់ដល់ភាវរស់ដូចម្តេច  ?

៣. តើគេចាត់ថ្នាក់សិលាផ្អែកលើអ្វីខ្លះ ?

៤. តើម៉ាក់ម៉ាអាចកើតឡើងតាមវិធីប៉ុន្មានយ៉ាង ? អ្វីខ្លះ ?

៥. តើសិលាមានប៉ុន្មានប្រភេទ ? អ្វីខ្លះ ?

ចម្លើយ ​

១.​ការជីកយករ៉ែដោយចំហប៉ះពាល់ដល់បរិស្ថានខ្លាំងចាងគេព្រោះ ការជិកយកបែបនេះគឺគេត្រូវកាប់ឆ្ការព្រៃ និងចូកយកដិស្រទាប់ខាងលើរ៉េចេញ ទើបគេជិកយករ៉ែជាក្រោយ ។ ការធ្វើបែបនេះគឺត្រូវចំណាយផ្ទៃដិធំ និងធ្វើឲ្យបាត់បង់ដីស្រទាប់លើដែលជាដីមានជិជាតិ និងបាត់បង់ព្រៃថែមទៀតផង​ ។

២​. ការធ្វើអាជីវកម្មរ៉ែនាំឲ្យមានការបំពុល ពិសេសបំពុលទឹក ។ សារធាតុដែលលេចចេញពិសំណង់អណ្តូងរ៉ែដូចជា កាត់ម៉្ញូម ​កូបាល ទង់ដែង ។ សារធាតុទាំងនេះធ្វើឲ្យប៉ះពាល់ដល់ភាវរស់យ៉ាងខ្លាំងព្រោះវាធ្វើឲ្យកើតជំងឺដល់មនុស្ស និងសត្វដែលរស់នៅក្នុងទឹកជាពិសេសធ្វើឲ្យសត្វមានបញ្ហាក្នុងការបន្តពូជ ។

៣ . គេចាត់ថ្នាក់សិលាផ្អែកលើ សមាសធាតុផ្សំនិងវាយភាពរបស់វា ។

៤. ម៉ាក់ម៉ាអាចកើតឡើងតាមវិធី ៣យ៉ាងគឺ ៖

• ពេលសិលាទទួល​រងកម្តៅ
• ពេលសម្ពាធថយចុះ
• ពេលសិលាផ្លាស់ប្តូរសមាសធាតុផ្សំ ។​

៥. សិលាមាន ៣ប្រភេទគឺ ៖

• សិលាម៉ាក់ម៉ា
• សិលាកម្ទេចកំណ
• សិលាប្រែកំណើត  ។ ​​