វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី១៦ )

សំនួរ

១. តើសិលាមានសារៈ​សំខាន់អ្វីខ្លះ ចំពោះមនុស្ស ?

២. ចូររាប់ឈ្មោះប្រភេទសិលានីមួយៗឲ្យបានយ៉ាងតិច ៥( សិលាម៉ាក់ម៉ា សិលាកម្ទេ​ចកំណ សិលាប្រែកំណើត ) ។

៣. ដូចម្តេចហៅថា ដី ?

៤. តើដីមានប្រភពមកពីណា ?

៥.នៅពេលសិលាបាសាល់ពុកផុយក្លាយជាដី តើវាក្លាយទៅជាដីប្រភេទណា ?

ចម្លើយ

១. សិលាមានសារៈសំខាន់ចំពោះមនុស្សដូចជា ៖

• ប្រើប្រាស់សម្រាប់សំណង់​ ផ្លូវ ស្ពាន ប្រាសាទ និងវិមានផ្សេងៗ តួយ៉ាងប្រាសាទ អង្គរវត្ត ។
• មានសារៈសំខាន់សម្រាប់អ្នកវិទ្យាសាស្រ្តព្រោះ អ្នកវិទ្យាសាស្រ្តសិក្សាពីសិលាដើម្បីយល់ដឹងពីប្រវត្តិរបស់ផែនដី និងព្រះអាទិត្យ ។
• នៅក្នុងសិលាមានផ្ទុកនូវ​​ផុស៊ីលសត្វ និងរុក្ខជាតិដែលជាភស្តុតាងដ៏សំខាន់ដែលអ្នកវិទ្យាសាស្រ្តអាចកំណត់ពីប្រវត្តិជីវីត និងព្រឹត្តការណ៍ទាំងឡាយដែលកើតឡើងកាលពីរាប់លាន​​ឆ្នាំមុន  ។

២. រាប់ឈ្មោះប្រភេទសិលានីមួយៗឲ្យបានយ៉ាងតិច ៥( សិលាម៉ាក់ម៉ា សិលាកម្ទេ​ចកំណ សិលាប្រែកំណើត ) ៖

• សិលាម៉ាក់ម៉ា  សិលាបាសាល់ ក្រា​នីត រីយ៉ូលីត ហ្គាប្រូ អុបស៊ីដៀន ពុយមើស .... ។
• សិលាកម្ទេចកំណ សិលាប្រេស្យា សិលាក្តាំង ធ្យូងថ្ម ថ្មកំបោរ សិលាក្រែ/សិលាខ្សាច់ ថ្មភក់ សិលាភាជន៍ .... ។
• សិលាប្រែកំណើត សិលាណាយ៍ ភីលីត ម៉ាប់ស៊ីស ក្វាតហ្ស៊ីត សិលាឈ្នួន..... ។

៣. ដីគឺជា ល្បាយនៃខ្យល់​ ទឹក អំបិល ខនិជ សារធាតុខនិជ បានមកពីសំណឹករូបធាតុសរីរាង្គ និងសារពាង្គកាយមានជីវីត ហើយជាមជ្ឈដ្ឋានអាចរុក្ខជាតិចាក់ឬសបាន ។

៤. ដីមានប្រភពម​កពី ៖

• ការពុកផុយនៃសិលាមេក្រាមអំពើនៃអាកាសធាតុ
• ការពុកផុយរលួយនៃរុក្ខជាតិ ( ដីមមោក )
• កា​រដឹកជញ្ជូនពីកន្លែងផ្សេងៗតាមខ្សែរទឹក ( ដីល្បាប់ )
• ការដឹកជញ្ជូនតាមចរន្តខ្យល់ (​ ដីឡឺស )  ។

៥. នៅពេលសិលាបាសាល់ពុកផុយក្លាយជាដី វាក្លាយទៅជាដីក្រហម ឬដីសិលាបាសាល់ ។