វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៥៦ )

សំនួរ

១. តើប៊ិកបាងជាអ្វី ? តើវាកើតឡើងនៅពេលណា​ ?

២. ផ្អែកលើការវាស់ដោយប្រុងប្រយ័ត្ននៃល្បឿនកាឡាក់ស៊ីឆ្ងាយៗ និងរំភាយរស្មីក្នុងសកល តើតារាវិទូអាចទស្សន៍ទាយថាសកលមានអាយុប៉ុន្មាន ?

៣. តើសកលមានផ្ទុករូបធាតុអ្វីខ្លះ ?

៤. ចូររៀបរាប់ភស្តុតាងពីរយ៉ាងដែលគ្រាំទ្រទ្រឹស្តីប៊ិកបាង ។

៥. តើរូបធាតុងងឹតជាអ្វី ?     

ចម្លើយ

១. ប៊ិកបាងជា បន្ទះរូបធាតុដែលហាក់ណែន និងថាមពលដ៏ខ្លាំងក្លា ។ វាកើតឡើងកាលពីរាប់រយកោដិឆ្នាំមុន ។

២.​ ផ្អែកលើការវាស់ដោយប្រុងប្រយ័ត្ននៃល្បឿនកាឡាក់ស៊ីឆ្ងាយៗ និងរំភាយរស្មីក្នុងសកល តារាវិទូអាចទស្សន៍ទាយថាសកលមានអាយុ ១៣,៧០០,០០០,០០០ឆ្នាំមកហើយ ។

៣. សកលមានផ្ទុករូបធាតុងងឹតប្រហែល ២៣%ធូលី និងឧស្ម័នផ្សេងៗទៀត ។

៤. រៀបរាប់ភស្តុតាងពីរយ៉ាងដែលគាំទ្រទ្រឹស្តីប៊ិកបាង ៖

• នៅទស្សន៍វត្សឆ្នាំ ១៩២០ លោកហាប់ប៊លបានសិក្សាស្ពិចពណ៌នៃកាឡាក់ស៊ីជាច្រើននៅចម្ងាយខុសៗគ្នាពីផែនដី ។ តាមរយៈការសិក្សានេះគាត់អាចប្រាប់បានពីល្បឿន និងទិសដៅចលនារបស់វា  ។ លោកហាប់ប៊លរកឃើញថា កាឡាក់ស៊ីទាំងអស់កំពុងធ្វើចលនាចេញឆ្ងាយពីយើង និងឃ្លាតចេញពីគ្នាលើកលែងតែកាឡាក់ស៊ីមួយចំនួននៅក្បែរ យើង​ ។
• នៅឆ្នាំ ១៩៦៥ រូបវិទូជនជាតិអាមេរិចពីរនាក់ឈ្មោះ អាណូផេនហ្សា ( Arno Penzias ) និងរូប៊ឺត វីលសុន ( Robert Wilson ) បានសង្កេតឃើញរំភាយរស្មីដោយចៃដន្យនៅក្នុងតេឡេទស្សន៍របស់​ពួកគេ ។ រំភាយចម្លែកនេះចេញមកពីគ្រប់ទិសទីក្នុងលំហ  ។ ក្រោយមកអ្នកកវិទ្យាសាស្រ្តសន្និដ្ឋានថាអណ្តាតភ្លើងនេះគឺជា សំណល់ថាមពលកម្តៅពីបន្ទុះប៊ិកបាង ។

៥. រូបធាតុងងឹតគឺជា រូបធាតុដែលពុំបញ្ចេញរំភាយរស្មីអេឡិចត្រូម៉ាញេទិច ។