វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី២១ )

សំនួរ

១.ចូររៀបរាប់ឈ្មោះប្រភេទផ្សេងៗនៃចលនាដីលើចំណោទ ​។

២ ដូចម្តេចដែលហៅថា លំហូរ​ភក់ ?

៣ តើលំហូរភក់កើតឡើងនៅពេលណា ? តើវាផ្តល់ផលវិបាកដូចម្តេចខ្លះ ?

៤. ដូចម្តេចដែលហៅថា ពាម ដីសណ្ត ? ចូររាប់ឈ្មោះដីសណ្តនៅលើពិភពលោកឲ្យបានចំនួន​ប្រាំ ។

៥. តើដីសណ្តមានសារៈសំខាន់ដូចម្តេច ?

ច​ម្លើយ

១. ប្រភេទផ្សេងៗនៃចលនាដីលើចំណោទរួមមាន ៖

• ការរបេះនៃផ្ទាំងថ្ម
• លំហូរនៃភក់់
• រំកិលដី  និងរបេះដី ។

២. កំហូរភក់គឺជា ការហូរចុះយ៉ាងលឿននៃល្បាយទឹក សិលា និងដី ។

៣. លំហូរភក់តែងតែ​កើត​ឡើង​នៅក្រោយភ្លៀងធំនៅតំបន់ក្តៅ និងម៉្យាងទៀតបង្កដោយរញ្ចួយដី ។

• លំហូរភក់បង្កឲ្យមានគ្រោះថ្នាក់ធ្ងន់ធ្ងរដូចជា ៖ បំផ្លាញទ្រព្យសម្បត្តិ និងអាយុជីវីត ខូចខាតដី បំផ្លាញផលដំណាំ បំផ្លាញហេដ្ឋារចនាសម្ព័ន្ធ ( ផ្លូវ​​​ថ្នល់ ស្ពាន .... ​) ។

៤. ពាមគឺជា កន្លែងជួបគ្នារវាងទន្លេ និងសមុទ្រ ។

ដីសណ្តគឺជា ល្បាប់ម៉ដ្ឋធ្លាក់គរលើគ្នានៅមាត់ពាមបង្កើតបានជាដីដុះ ឈ្មោះដីសណ្ត នៅលើពិភពលោកឲ្យបានចំនួនប្រាំ ៖ ដីសណ្តទន្លេមេ​គង្គ ដីសណ្តទន្លេមីស៊ីស៊ីពី ដីសណ្តទន្លេគង្គារ ដីស​ណ្តទន្លេនីល និងដីសណ្តទន្លេលឿង ។

៥. ដីសណ្តមានសារៈសំខាន់ខ្លាំងណាស់ព្រោះ ដីសណ្តជាដីដែលមានជីជាតិសម្រាប់វិស័យកសិកម្ម ​។