សំណួរ
១. តើយុវជនមានប្រយោជន៍អ្វីខ្លះចំពោះសង្គមជាតិ ?
២. តើយុវជនដែលជាអ្នកដឹកនាំត្រូវមានគុណសម្បត្តិដូចម្ដេចខ្លះ ?
៣. តើក្រុមប្រក្សឹរាជសម្បត្តិមានតួនាទីធ្វើអ្វី ? មានសមាសភាពធ្វើអ្វីខ្លះ ?
៤. តើស្ថាប័នតុការមានអ្វីខ្លះភារកិច្ចអ្វីខ្លះ ?
៥. តើសមាសនៃរាជរដ្ឋាភិបាលមានអ្នកណាខ្លះ ?
ចម្លើយ
១. យុវជនមានប្រយោជន៍ចំពោះសង្គមជាតិដូចជា ៖
- យុវជនជាទំពាំងស្នងឫស្សីដូចនេះពួកគាត់អាចថែរក្សានូវអ្វីៗគ្រប់បែបយ៉ាងដែលបានបន្សល់ទុកពីដូនតា
- យុវជនជាសរសរទ្រងរបស់ប្រទេសជាតិ
- យុវជនជាកម្លាំងចលករក្នុងការចូលរួមអភិវឌ្ឍន៍សង្គមជាតិ
- យុវជនជាភ្នាក់ងារសម្រាប់ចែកចាយ ព័ណ៍មាន និងភ្នាក់ងារនៃសង្គមនីយកម្ម
- យុវជនអាចចូលរួមគ្រប់សកម្មភាពក្នុងសង្គម ។ ជារួមក្នុងសង្គមមួយត្រូវតែយកចិត្តទុកដាក់ចំពោះយុវជនមិនអាចធ្វេសប្រហែសបាន។
២. យុវជនដែលជាអ្នកដឹកនាំត្រូវមានគុណសម្បត្តិដូចជា ៖
- មានសុខភាពល្អ រាងកាយមាំមួន
- មានគំនិតផ្តួចផ្តើម បង្កើតថ្មី ចេះរៀបចំផែនការ
- ចេះចាត់ចែងការងារ យល់ទុក្ខធុរៈសមាជិក
- មានប្រាជ្ញាឈ្លាសវៃ ចេះក្តាប់បាននូវកាលៈទេសៈ
- ក្លាហានមានឆន្ទៈមោះមុត ហ៊ានតស៊ូអំណត់ព្យាយាម
- មានប្រជាប្រិយភាពមានទំនាក់ទំនងល្អពីថ្នាក់លើរហិតដល់ថ្នាក់ក្រោម
- ម៉ឺងម៉ាត់ មនសិកាក្នុងការងារ
- មានគំនិតរិះគិត គំន៏តអធ្យាស្រ័យ
- ចេះដោះស្រាយទំនាស់ និងបញ្ចៀសទំនាស់ដោយសន្តិវិធី
- ស្មោះត្រង់ឧត្តមគតិ គិតប្រយោជន៍រួមសមូហភាពជាងប្រយោជន៍ខ្លួន
- គោរពច្បាប់វិន័យ មិនបំពានច្បាប់ ការពារយុត្តិធម៌
- មានសមត្ថភាពអាចជំនួសមនុស្សចាស់បាន។
៣. ក្រុមប្រឹក្សារាជសម្បត្តិមានតួនាទីជាអ្នកជ្រើសព្រះមហាក្សត្រថ្មីនៃរាជព្រះរាជាណាចក្រកម្ពុជាក្នុងរយៈពេលប្រាំពីរថ្ងៃយ៉ាងយូរ ក្រោយពេលព្រះមហាក្សត្រទ្រង់ចូលទីវង្គត។
សមាភាពនៃក្រុមប្រឹក្សារាជសម្បត្តិមានដូចជា ៖
- ប្រធានព្រឹទ្ធសភា
- ប្រធានរដ្ឋសភា
- នាយករដ្ឋមន្ត្រី
- សម្តេចព្រះសង្ឃរាជទាំងពីរគណៈ
- អនុប្រធានទី១ និងទី២នៃព្រឹទ្ធសភា
- អនុប្រធានទី២ និងទី២នៃរដ្ឋសភា ។
៤. ស្ថាប័នតុការមានតួនាទីភាកិច្ចដូចជា ៖
- ជាអ្នកអនុវត្តន៍ច្បាប់
- ជាអ្នកបកស្រាយច្បាប់
- ផ្តល់នូវយុត្តិធម៌ និងភាពស្មើគ្នាចំពោះមុខច្បាប់
- ដោះស្រាយជំលោះប្រកបដោយភាពត្រឹមត្រូវ
- ដាក់ទណ្ឌកម្មចំពោះឧក្រិដ្ឋជន ។
៥. សមាភាពនៃរាជរដ្ឋាភិបាលមានដូចជាៈ
- នាយករដ្ឋមន្ត្រី
- បនាយករដ្ឋមន្ត្រី
- ទេសរដ្ឋមន្ត្រី
- រដ្ឋមន្ត្រី
- រដ្ឋលេខាធិការ។
