សំណួរ
១. ច្បាប់ជាអ្វី ? ក្រមសីលធម៌ជាអ្វី ? តើច្បាប់និងក្រមសីលធម៌ខុសគ្នាដូចម្តេចខ្លះ ?
២. អ្នកជាពលេដ្ឋខ្មែរត្រូវធ្វើដូចម្ដេច ដើម្បីឪ្យប្រទេសជាតិឈានឡើងរីកចម្រើនលូតលាសរុងរឿងជានិច្ចនិរត្តន៍ ?
៣. ហេតុអ្វីបានជាក្មេងស្រីចូលរៀនមានចំនួនតិចជាងក្មេងប្រុស ?
៤. តើរដ្ឋធនុម្មញ្ញនៃរាជាណាចក្រកម្ពុជាមានប៉ុន្មានជំពូក ? ហើយមានប៉ុន្មានមាត្រា ? ប៉ុន្មានឧបសម្ព័ន្ធ ? ហើយនៅក្នុងឧបសម្ព័ន្ធទាំងនោះចែងពីអ្វីខ្លះ ?
៥. តើសិទ្ធិពិសេសរបស់នារីមានប៉ុន្មាន ? អ្វីខ្លះ ?
ចម្លើយ
១. ច្បាប់ជាបទបញ្ញាតិកំណត់ដោយរដ្ឋ ដែលមានភាពទៀងទាត់ ត្រឹមត្រូវសម្រាប់ឲ្យពលរដ្ឋក្នុងសង្គមនីមួយៗ ត្រូវតែគោរតាម ។
- ក្រមសីលធម៌ ជាមាគ៌ាក្នុងការដឹកនាំមនុស្សឲ្យប្រព្រឹត្តអំពើល្អ សុចរិតចៀសវាងនូវការប្រព្រឹត្តអំពើអាក្រក់គ្រប់បែបយ៉ាងទៅលើអ្នកដទៃ ។
- ច្បាប់ និងក្រមសីលធម៌ខុសគ្នាត្រង់ ៖
ក. ច្បាប់
- ល្មើសច្បាប់ត្រូវទទួលទោស
- ចាប់បង្ខំ ឬបង្គាប់បញ្ជាដាច់ខាត
- លក្ខណៈមិនចំពោះមិនទូទៅ
ខ. ក្រមសីលធម៌
- ល្មើសក្រមសីលធម៌ មានការអធ្យាស្រ័យ គ្មានទោស
- មិនចាប់បង្ខំ មិនបង្គាប់បញ្ជា
- លក្ខណៈចំពោះ ។
២. ដើម្បីឲ្យប្រទេសជាតិឈានឡើង រីកចម្រើនលូតលាស់រុងរឿងក្នុងនាមជាពលរដ្ឋខ្មែរយើងត្រូវ ៖
- មានស្មារតីថែក្សាការពារ សម្បត្តិវប្បធម៌ជាតិ
- នាំគ្នាបើកតម្កើងអគ្គសញ្ញាណជាតិ
- ប្រើប្រាស់អ្វីៗ ដែលជាសម្បត្តិវប្បធម៌ជាតិឲ្យច្រើនជាងអ្វីៗដែលជារបស់បរទេស
- បង្កើតស្មារតីអ្វីដែលជារបស់ជាតិខ្លួនឲ្យបានច្រើន ហើយមានលក្ខណៈសុក្រឹត ស្របតាមចំណង់ចំណូលចិត្តរបស់ប្រទេសជាតិ
- ស្រាវជ្រាវ និងស្វែងយល់វប្បធម៌ជាតិឲ្យស៊ីជម្រៅ
- ទប់ស្កាត់វប្បធម៍បរទេស
- ចេះកែច្នៃវប្បធម៌បរទេសឲ្យមកជាលក្ខណៈខ្មែរ
- គោរពច្បាប់រដ្ឋ និងសង្គម
- ចូលរួមបង្កើនសេដ្ឋកិច្ចជាតិ ចៀសវាងការនាំចូលសេដ្ឋកិច្ចជាតិខុសច្បាប់
- មានទំនួលខុសត្រូវ និងតម្លាភាព ។
៣. បានជាក្មេងស្រីចូលរៀនមានចំនួនតិចជាងក្មេងប្រុសគឺ ៖
ក. កត្តាទំនៀមទម្លាប់
- ជួយកិច្ចការផ្ទះ
- ជួយរកប្រាក់ចំណូលជួយគ្រួសារ
- រ៉ាប់រងការងារសព្វសារពើព័នួសឳពុកម្តាយ
- ស្ត្រីបង្វិលចង្ក្រានមិនជុំ
- រៀនចេះ ខ្លាចសរសេរសំបុត្រស្នេហា
ខ. ស្ថានភាពគ្រួសារ
- ការចំណាយ៍បើក្មេងស្រីច្រើនជាងក្មេងស្រី
- កូនស្រីផ្ទះមានប្រយោជន៍ជាងក្មេងប្រុស
គ. កត្តាសាលារៀន
- អសុវត្ថិភាពក្នុងការធ្វើដំណើរ ( ការជួញដូរផ្លូវភេទ )
- កង្វះលទ្ធភាពក្នុងការធ្វើដំណើរ
ឃ. កត្តាវប្បធម៌
- សង្គមឥស្លាមមិនអនុញ្ញាតិឲ្យកូនស្រីរៀនជាមួយសិស្សប្រុសនោះទេ
- សម័យមុនគ្រូជាព្រះសង្ឃ ក្មេងស្រីមិនអនុញ្ញាតិឲ្យចូលរៀន
- កង្វះគ្រូស្រី
- រៀបការវ័យក្មេង ។
៤. រដ្ឋធម្មនុញ្ញនៃព្រះរាជាណាចក្រកម្ពុជាមាន ១៤ ជំពូក ១៣៩ មាត្រា និង ៦ ឧបសម្ព័ន្ធ ៖
+ ឧបសម្ព័ន្ធទាំង៦ គឺ ៖
- ឧបសម្ព័ន្ធ១ ចែងអំពី “ ទង់ជាតិ “
- ឧបសម្ព័ន្ធ២ ចែងអំពី “ ភ្លេងជាតិ “ (បទនគររាជ)
- ឧបសម្ព័ន្ធ៣ ចែងអំពី “ សញ្ញាជាតិ “ ( ព្រះសង្ខារ )
- ឧបសម្ព័ន្ធ៤ ចែកអំពី “ សច្ចាប្រណិធាននៃព្រះមហាក្សត្រនៃព្រះរាជាណាចក្រកម្ពុជា ”
- ឧបសម្ព័ន្ធ៥ ចែងអំពី “ សច្ចាប្រណិធានប្រធាន អនុប្រធាន និងសមាជិកនៃរដ្ឋសភានៃព្រះរាជាណាចក្រកម្ពុជានៅចំពោះព្រះភ័ក្ត្រព្រះមហាក្សត្រ ព្រះភ័ក្ត្រសម្តេចព្រះសង្ឃរាជ និងទេវតារក្សាធ្វេតច្ឆ័ត្រ ។
- ឧបសម្ព័ន្ធ៦ នៃនាយករដ្ឋមន្ត្រី និងសមាជិកនៃរដ្ឋាភិបាលនៅចំពោះមុខព្រះភ័ក្ត្រព្រះមហាក្សត្រព្រះភ័ក្ត្រសម្តេចព្រះសង្ឃរាជ និងទេវតារក្សាឆ្វេតច័្ឆត្រ ។
៥. សិទ្ធិពិសេសរបស់នារីមាន៦យ៉ាងគឺ ៖
- សិទ្ធិ ទួលប្រាក់បំណាច់ស្មើគ្នានឹងបុរស
- សិទ្ធិមាសមភាពខាងផ្លូវភេទ
- សិទ្ធិមានសមភាពរវាងប្តីប្រពន្ធ
- សិទ្ធិទទួលកិច្ចការពារពីការកេងប្រវ័ញ្ច
- សិទ្ធិទទួលការឈប់សម្រាកពេលសំរាលកូន
- សិទ្ធិរួចផុតពីការប្រហារជីវិតក្នុងពេលមានគភ៌ ។
