តើអង្គភាពលទ្ធកម្មនៃក្រសួងសាធារណការនិងដឹកជញ្ជូនមានភារកិច្ចយ៉ាងដូចម្តេច ?

អង្គភាពលទ្ធកម្ម បំពេញមុខងារជាសេនាធិការស្ថិតក្រោមប្រធានស្ថាប័នផ្ទាល់របស់ក្រសួងសាធារណការនិងដឹកជញ្ជូននិងមានភារកិច្ចដូចតទៅ៖

• រៀបចំផែនការលទ្ធកម្មប្រចាំឆ្នាំនិងផែនការកែតម្រូវក្នុងករណីចាំបាច់
• រៀបចំឯកសារនិងនីតិវិធីពាក់ព័ន្ធនិងកិច្ចការដេញថ្លៃសម្រាប់ប្រភេទលទ្ធកម្មនីមួយៗ ផ្អែកតាមគំរូឯកសារដេញថ្លៃនិងគោលការណ៍ណែនាំនានាដែលកំណត់ដោយក្រសួងសេដ្ឋកិច្ចនិងហិរញ្ញវត្ថុ
• តាមដាន ត្រួតពិនិត្យ វាយម្លៃការអនុវត្តកិច្ចសន្យានិងប្រគល់ទទួលសំណង់ ទំនិញ សេវានិងរៀបចំសំណុំឯកសារចាំបាច់បញ្ជូនទៅអង្គភាពមានសមត្ថកិច្ចដើម្បីរៀបចំធ្វើការទូទាត់
• រៀបចំរបាយការណ៍ស្តីពីការអនុវត្តកិច្ចការលទ្ធកម្មប្រចាំខែ ត្រីមាស ៩ខែឆ្នាំ និងសកម្មភាពផ្សេងៗរបស់អង្គភាពជូនប្រធា​​នស្ថាប័ន
• អនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន ។