វិញ្ញាសាផែនដី សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៣)

សំណួរ

១. ដូចម្តេចដែលហៅថាការបំពុលអាកាស ?

២.ចូររៀបរាប់ពីផលប៉ះពាល់ ចំពោះសុខភាពប្រជាជនដែលបណ្តាលមកពីការបំពុលអាកាស ។

៣.តើកត្តាអ្វីខ្លះ ដែលនាំឲ្យមានការកើនកម្តៅនៅលើភពផែនដី ?

៤. តើទឹកផ្តល់សារៈសំខាន់អ្វីខ្លះដល់ជីវីតនៅលើផែនដី ?

៥. ដើម្បីការពារប្រភពទឹកកុំឲ្យមានការបំពុលតើយើងត្រូវធ្វើដូចម្តេចខ្លះ ?

ចម្លើយ

១. ដែលហៅថាការបំពុលអាកាស គឺជាការបន្ថែមសារធាតុបំពុលទាំងឡាយចូលក្នុងបរិយាកាស និងបង្កឲ្យមានបាតុភូត ភ្លៀងអាស៊ីត ស្រទាប់អូសូនស្តើង និងការឡើងកម្តៅលើផែនដី ។

២. រៀបរាប់ពីផលប៉ះពាល់ ចំពោះសុខភាពប្រជាជនដែលបណ្តាលមកពីការបំពុលអាកាស ការបំពុលអាកាសមានបញ្ហាយ៉ាងធ្ងន់ធ្ងរ ដល់សុខភាពមនុស្សដូចជា ជម្ងឺ ផ្លូវដង្ហើម ជម្ងឺមហារីក បេះដូងសួតនិងជម្ងឺខួរក្បាលចំពោះកុមារ ...។

៣. កត្តា ដែលនាំឲ្យមានការកើនកម្តៅនៅលើភពផែនដីគឺ ៖

• ការកាប់ព្រៃឈើ
• កំណើនឧស្សាហកម្ម
• ការប្រើប្រាស់ឥន្ធនៈផូស៊ីលមានសារធាតុបំពុល
• ការអភិវឌ្ឍទីប្រជុំជននិងទីក្រុង
• ចរាចរណ៍មមាញឹក...។

៤. ទឹកមា​​នសារៈសំខាន់ណាស់ដល់ជីវីតនៅលើផែនដី គឺ ៖

• សម្រាប់ទទួលទាន
• ប្រើប្រាស់ប្រចាំថ្ងៃ
• ជាជម្រកមឆ្ឆាជាតិ
• ជាផ្លូវនាវាចរ
• ជាប្រភពថាមពលវារីអគ្គីសនី
• ជាប្រភពទ្រទ្រង់ជិវីតនៅលើផែនដី ។

៥. ដើម្បីការពារប្រភពទឹកកុំឲ្យមានការបំពុលយើងត្រូវធ្វើដូចជា ៖

• មិនសង់បង្គន់ក្បែរទឹក និងប្រភពទឹក
• មិនសង់ប្រព័ន្ធបង្ហូទឹក ស្អុយចូលក្នុងប្រភពទឹក
• មិនចោលសំរាមផ្សេងៗទៅក្នុងទឹក
• មិនប្រើប្រាស់ថ្នាំគីមី ក្នុងវិស័យកសិកម្ម
• ធ្វើរបងព័ទ្ធជុំវិញប្រភពទឹកដែលប្រើប្រាស់ប្រចាំថ្ងៃ
• មិននេសាទហួសកម្រិត ព្រោះត្រីក៏ធ្វើឲ្យទឹកថ្លាដែរ
• ដាំដើមឈើឲ្យបានច្រើនបន្ថែមទៀត
• ថែរក្សាបរិវេណជុំវិញប្រភពទឹកឲ្យមានអនាម័យ...។    

វិញ្ញាសាទី៤