ចូរនិយាយពីអត្ថន័យនៃនិមិត្តសញ្ញាអាស៊ាននិងទង់អាស៊ាន ។

និមិត្តសញ្ញាអាស៊ាននិងទង់អាស៊ានមានពណ៌តំណាងឱ្យសមាគមអាស៊ានមួយដែលមានស្ថិរភាពសន្តិភាព រូបរួមគ្នា និងប្រកបដោយថាមពល ។

• ពណ៌របស់និមិត្តសញ្ញា និងទង់អាស៊ានមានពណ៌ ខៀវ ក្រហម ស និងពណ៌លឿង ដែលពណ៌ទាំងអស់នេះតំណាងឱ្យពណ៌សំខាន់ៗ នៃទង់ជាតិរបស់ប្រទេសសមាជិកទាំងអស់។ អត្ថន័យនៃពណ៌នីមួយៗគឺ ៖
• ពណ៌ខៀវ ៖ តំណាងឱ្យសន្តិភាព និងស្ថិរភាព
• ពណ៌ក្រហម ៖ តំណាងឱ្យសេចក្តីក្លាហាន និងភាពស្វាហាប់ ថាមពល
• ពណ៌លឿង ៖ តំណាងឱ្យវិបុលភាព ភាពសម្បូរសប្បាយ
• ពណ៌ស ៖ តំណាងឱ្យភាពបរិសុទ្ធ ស្អាតស្អំ
• ដើមស្រូវទាំង១០ ៖ តំណាងឱ្យសុបិនរបស់បិតាបង្កើតអាស៊ានដែលមានបំណងប្រមូលផ្តុំប្រទេសទាំង១០ នៅអាស៊ីអាគ្នេយ៍ ឱ្យក្លាយជាសហគមន៍មួយប្រកបដោយមិត្តភាព និងសាមគ្គីភាព។
• រង្វង់៧ព័ទ្ធជុំវិញ ៖ តំណាងឱ្យភាពឯកភាពគ្នារបស់អាស៊ាន។