សំណួរ-ចម្លើយ ជំពូកទី៣ លិខិតបទដ្ឋាន (ភាគ១០)

សំណួរ

៤៦- តើមុខងារសំខាន់ៗរបស់អភិបាលរាជធានី-ខេត្តមានអ្វីខ្លះ ?

៤៧- តើសាលាខេត្តមានអង្គភាពចំនួនប៉ុន្មាន ?

៤៨- តើបែបបទនៃការធ្វើដីកាមានអ្វីខ្លះ ? ចូររៀបរាប់ ?

៤៩- តើដីកាមានទម្រង់ប៉ុន្មានផ្នែក ?

៥០- តើដីកាមានគំរូដូចម្តេច ?

ចម្លើយ

៤៦- មុខងារសំខាន់ៗរបស់អភិបាលរាជធានី-ខេត្ត មានជាអាទិ៍គឺ ៖

• តាមដានការផ្សព្វផ្សាយ និងការអនុវត្តន៍បទបញ្ញត្តិ អនុក្រឹត្យ ដែលនៅជាធរមាន ។
• ធានាឲ្យមានសណ្តាប់ធ្នាប់សាធារណៈ ហើយក្នុងករណីខ្លះ បំពេញមុខងារជាមន្រ្តីនគរបាលយុត្តិធម៌ ។
• អភិបាលរាជធានី-ខេត្ត មានអំណាចដាក់វិន័យក្នុងក្របខណ្ឌនៃមុខការរបស់ខ្លួនចំពោះមន្រ្តីទាំងឡាយ ដែលស្ថិតក្រោមការគ្រប់គ្រងឋានានុក្រម ។
• អភិបាលរាជធានី-ខេត្ត គ្រប់គ្រងដែនដីក្នុងព្រំខណ្ឌនៃខេត្តរបស់ខ្លួន និងជួយឲ្យអង្គការចាត់តាំង ឃុំ-សង្កាត់ និងមន្ទីរនានា មានដំណើរការសមស្របតាមច្បាប់ ។

៤៧- សាលាខេត្តមានអង្គភាពធំ ៤ គឺ ៖

• ខុទ្ទកាល័យសាលាខេត្ត
• ក្រុមហិរញ្ញវត្ថុ
• ក្រុមអធិការកិច្ច
• អង្គភាពរដ្ឋបាលមូលដ្ឋាន

៤៨- បែបបទនៃការធ្វើដីកាគឺ ៖

• គំនិតផ្តើម

ការិយាល័យជំនាញនៅសាលារាជធានី-ខេត្ត ជាអ្នកផ្តើមគំនិតធ្វើដីកា ។ អ្នកតែងសេចក្តីត្រូវមានឯកសារគ្រប់គ្រាន់ និងមានការណែនាំពីអភិបាលរាជធានី-ខេត្ត ។ អ្នកតែងសេចក្តី ត្រូវធ្វើការសិក្សាស្រាវជ្រាវឯកសារច្បាប់ និងបទបទប្បញ្ញត្តិ ការពិនិត្យសារាចរ និងការជួបជាមួយមន្ទីរពាក់ព័ន្ធ ។ ប្រសិនដីកានោះ មានផលប៉ះពាល់ខាងផ្នែកហិរញ្ញវត្ថុ ត្រូវបញ្ជូនសេចក្តីព្រាងដីកា ទៅឲ្យក្រុមហិរញ្ញវត្ថុ នៅសាលារាជធានី-ខេត្ត ពិនិត្យផងដែរ ។ ក្រុមហិរញ្ញវត្ថុត្រូវពិនិត្យថា តើខ្លឹមសារនៃដីកា សមស្របនឹងបទប្បញ្ញត្តិនានា ដែលចែងក្នុងច្បាប់ហិរញ្ញវត្ថុដែរឬទេ ។

• ការធ្វើសេចក្តីព្រាងដីកា

ចំពោះកិច្ចការដែលធ្លាប់ធ្វើដដែលៗ គេពុំចាំបាច់ធ្វើសេចក្តីព្រាងទេ ។

ឧទាហរណ៍ ៖ ការតែងតាំងគណៈកម្មការមួយ ការផ្តល់រង្វាន់លើកទឹកចិត្ត ការអនុញ្ញាតឲ្យសាងសង់អគារឧស្សាហកម្ម ឬអគារពាណិជ្ជកម្ម ។ល។

• ចុះហត្ថលេខា

            ក្រោយពេលចុះហត្ថលេខារួចហើយ ដីការត្រូវបានបញ្ជូនត្រឡប់មកការិយាល័យរបៀប ដើម្បីចុះកាលបរិច្ឆេទ និងចុះលេខ ។ លេខរៀងត្រូវចុះតាមឆ្នាំ ដោយគិតពីថ្ងៃទី១ ខែមករា ដល់ថ្ងៃទី៣១ ខែធ្នូ ។ ការិយាល័យរបៀបមានភារកិច្ច បែងចែកដីកាទៅកន្លែងទទួល តាមការចាំបាច់ ។

៤៩- ដីការួមមាន៣ផ្នែកគឺ ៖ ចំណែកដើម ខ្លឹមសារ និងរូបមន្តបញ្ចប់ ។

៥០- គំរូដីកា

                                                                 ព្រះរាជាណាចក្រកម្ពុជា

                                                               ជាតិ សាសនា ព្រះមហាក្សត្រ

Logo

សាលារាជធានីភ្នំពេញ

លេខៈ................ភព

                                                                                  ដីកា

                                                            ស្តីពី ការតែងតាំងមន្ត្រីគ្រប់គ្រងផ្សារ

                                                                          អភិបាលរាជធានី

• បានឃើញ ព្រះរាជក្រឹត្យលេខ.....ចុះថ្ងៃទី..............ស្តីពីការបង្កើតសាលាក្រុង....។
• បានឃើញ ព្រះរាជក្រឹត្យលេខ.....ចុះថ្ងៃទី...........ស្តីពីការតែងតាំងអភិបាលរាជធានីភ្នំពេញ ។
• បានឃើញប្រកាសលេខ.....ចុះថ្ងៃទី..............របស់ក្រសួងមហាផ្ទៃ ស្តីពីការរៀបចំ និងការប្រព្រឹត្តទៅរបស់សាលាក្រុងភ្នំពេញ ។
• បានឃើញប្រកាសលេខ........ចុះថ្ងៃទី...........របស់ក្រសួងមហាផ្ទៃ ស្តីពីការបញ្ជូលមន្រ្តីរាជការក្នុងក្របខណ្ឌរដ្ឋបាលក្រសួងមហាផ្ទៃ ។
• តាមការចាំបាច់ ។

                                                                                 សម្រេច

ប្រការ ១ ៖ តែងតាំងមន្ត្រីចំនួន២រូប ឲ្យទៅបំរើការងារនៅផ្សារថ្មី ដូចមានរាយនាមខាងក្រោ ៖

            ១- ................................ជា ប្រធានផ្សារថ្មី

            ២-....................................ជា អនុប្រធានផ្សារថ្មី

ប្រការ ២ ៖ នាយខុទ្ទកាល័យសាលាក្រុង អភិបាលខណ្ឌទាំង៧ សាមីខ្លួន ត្រូវអនុវត្តន៍ដីកានេះ ចាប់ពី

      ថ្ងៃចុះហត្ថលេខាតទៅ ។     

                                                                                                                  ភ្នំពេញថ្ងៃទី..........ខែ............ឆ្នាំ២០០៦

                                                                                                                                  ហត្ថលេខា ត្រា ឈ្មោះ

កន្លែងទទួល                                         បានចម្លងត្រឹមត្រូវតាមច្បាប់ដើម

- ខុទ្ទកាល័យសាលារាជធានី                 .............ថ្ងៃទី.......................

- សាលាខណ្ឌទាំង ៧                                  តប.អភិបាលរាជធានី

- សាមីខ្លួន                                                     នាយខុទ្ទកាល័យ

- ឯកសារ-កាលប្បវត្តិ                                         ហត្ថលេខា

តភាគ