សំណួរ-ចម្លើយ ជំពូកទី៣ លិខិតបទដ្ឋាន (ភាគ១១)

ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ

សំណួរ

៥១- តើសេចក្តីសម្រេចជាអ្វី ?

៥២- តើទម្រង់នៃសេចក្តីសម្រេចមានអ្វីខ្លះ ?

៥៣- តើសេចក្តីសម្រេចមានគំរូដូចម្តេច ?

៥៤- អ្វីទៅជាសេចក្តីកំណត់ សេចក្តីណែនាំ និងសារាចរ ?

៥៥- តើទម្រង់នៃសេចក្តីកំណត់ចែកចេញជាអ្វីខ្លះ ? ចូរបកស្រាយ ?

ចម្លើយ

៥១- សេចក្តីសម្រេច គឺជាលិខិតបទដ្ឋានដែលចេញដោយរាជរដ្ឋាភិបាល ក្រសួង ស្ថាប័ន រាជធានី-ខេត្ត និងអង្គភាពរដ្ឋ-ឯកជននានា ទៅតាមតំរូវការចាំបាច់ ។ ជាទំលាប់ ក្រសួង-ស្ថាប័ន ច្រើនចេញសេចក្តីសម្រេចកិច្ចការ ដែលមានសារៈសំខាន់តិចតួច ។ បើកិច្ចការណា ដែលមានសារៈសំខាន់ជាង គេចេញប្រកាសរបស់ក្រសួងវិញ ។

ឧទាហរណ៍ ៖ ប្រកាសរបស់ក្រសួងមហាផ្ទៃ ប្រគល់សិទ្ធិជូនអគ្គស្នងការដ្ឋាននគរបាលជាតិ ក្នុងការចេញសេចក្តីសម្រេចតែងតាំងក្របខណ្ឌ និងផ្ទេរភារកិច្ចដល់នាយនគរបាលជាតិ អនុសេនីយ៍ឯក ចុះក្រោម...។ល។

៥២- ទម្រង់នៃសេចក្តីសម្រេចមាន៣ផ្នែកគឺ ៖ ចំណែកដើម ខ្លឹមសារ និងរូបមន្តបញ្ចប់ ។

៥៣- គំរូសេចក្តីសម្រេច

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

Logo

សាលាខេត្ត...........

លេខៈ..................

សេចក្តីសម្រេច

ស្តីពី.............................................

អភិបាលខេត្ត

បានឃើញ អនុក្រឹត្យលេខ.......ចុះថ្ងៃទី.....ខែ....ឆ្នាំ........ស្តីពី.............។
បានឃើញ.................................................................................។
.................................................................................................។
តាមសំណើរបស់.......................................................................។

សម្រេច

ប្រការ១ ៖...............................................................................................។

ប្រការ២ ៖...............................................................................................។

ប្រការ៣ ៖...............................................................................................។

.............ថ្ងៃទី...ខែ...ឆ្នាំ....

ហត្ថលេខា ត្រា ឈ្មោះ

កន្លែងទទួល

-.....................

-..................... បានចម្លងត្រឹមត្រូវតាមច្បាប់ដើម

................ថ្ងៃទី......................

ត.ប អភិបាលខេត្ត

នាយខុទ្ទកាល័យ

(ហត្ថលេខា)

៥៤- សេចក្តីកំណត់គេប្រើសម្រាប់បែងចែកការងារដល់មន្ត្រីថ្នាក់ក្រោមបង្គាប់ ដើម្បីឲ្យមន្រ្តីក្រោមបង្គាប់យល់ដឹងច្បាស់លាស់អំពីការងារដែលត្រូវបំពេញ ។ ខ្លឹមសាររួមរបស់សេចក្តីកំណត់ គឺនិយាយលំអិតអំពី ភារកិច្ចដែលប្រគល់ឲ្យមន្រ្តីថ្នាក់ក្រោមអនុវត្តន៍ ។ ចំពោះសេចក្តីកំណត់ គេនិយមប្រើសម្រាប់អង្គភាពឯកជនតូចៗ ឬអង្គភាពតូចៗរបស់រដ្ឋ ដែលចំណុះឲ្យស្ថាប័ន ប៉ុន្តែពេលខ្លះគេអាចប្រើសេចក្តីសម្រេចក៏បានដែរក្នុងករណីចាំបាច់ ។

៥៥- ទម្រង់នៃសេចក្តីកំណត់ចែកចេញជា៣ផ្នែកគឺ ៖

ចំណែកដើមរួមមាន ៖ ឈ្មោះប្រទេស បាវចនា និមិត្តសញ្ញានិងប្រភព លេខ និងអក្សរកាត់ និងចំណងជើង (មើលមេរៀន លិខិតរដ្ឋបាល) ។
អត្ថបទ ៖ និយាយអំពីភារកិច្ចដែលត្រូវប្រគល់ ដោយបង់លេខរម៉ាំង ឬលេខលំដាប់ក៏បាន ទៅតាមភាពជាក់ស្តែង ដោយមិនចាំបាច់បែងចែកជាប្រការនោះទេ ។
រូបមន្តបញ្ចប់ ៖ ទីកន្លែងនិងកាលបិរច្ឆេទ មុខងារ ហត្ថលេខា ឈ្មោះ និង កន្លែងទទួល ។

ឧទាហរណ៍ ៖

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

Logo

សមាគមគ្រឹះស្ថានឧត្តមសិក្សាកម្ពុជា

លេខៈ.......................................

សេចក្តីកំណត់ ស្តីពី

ការបែងចែក តួនាទី ភារកិច្ច ទទួលខុសត្រូវ និងរបៀបរបបការងារ

របស់ ថ្នាក់ដឹកនាំ សមាគមនគ្រឹះស្ថានឧត្តមសិក្សាកម្ពុជា

ដើម្បីប្រសិទ្ធភាពដឹកនាំ និងមានការទទួលខុសត្រូវក្នុងការងារ សមាគមគ្រឹះស្ថានឧត្តមសិក្សាកម្ពុជា សូមធ្វើការបែងចែកភារកិច្ចទទួលខុសត្រូវ ជូនថ្នាក់ដឹកនាំសមាគមគ្រឹះស្ថានឧត្តមសិក្សាកម្ពុជា ដូចខាងក្រោម ៖

ក- អំពីភារកិច្ចទទួលខុសត្រូវ ៖

១. ឯកឧត្តម...ប្រធានសមាគមទទួលខុសត្រូវដឹកនាំរួម និងទទួលបន្ទុកផ្ទាល់លើការងាររដ្ឋបាល និងហិរញ្ញវត្ថុ ។

២. ឯកឧត្តម.......អនុប្រធានសមាគមអចិន្រ្តៃយ៍ ទទួលបន្ទុកការងាររដ្ឋបាល ហិរញ្ញវត្ថុ......។

៣. ឯកឧត្តម.......អនុប្រធានសមាគម ទទួលបន្ទុកការងារសវនកម្មផ្ទៃក្នុងសមាគមន ។

៤. ឯកឧត្តម.......អនុប្រធានសមាគម ទទួលបន្ទុកការងារផែនការ និងអភិវឌ្ឍន៍ ។

៥. ឯកឧត្តម.......អនុប្រធានសមាគម ទទួលបន្ទុកការងារធានាគុណភាពអប់រំផ្ទៃក្នុងសមាគម។

ខ- អំពីរបៀបរបបការងារ

- ការិយាល័យ ឬអង្គភាពនានា ចំណុះសមាគម ត្រូវឆ្លងយោបល់ អគ្គលេខាធិការសមាគម និងអនុប្រធានសមាគមទទួលបន្ទុកកិច្ចការងារខាងលើ មុននឹងបញ្ជូនមកប្រធានសមាគម ដើម្បីពិនិត្យ និងសម្រេច ។ ។

- ក្នុងករណី អនុប្រធានសមាគមទទួលបន្ទុកអវត្តមាន ចំពោះកិច្ចការដែលមានសារៈសំខាន់ចាំបាច់ ប្រធានការិយាល័យ ឬប្រធានអង្គភាព ក្រោយពីឆ្លងពីយោបល់អគ្គលេខាធិការសមាគមហើយ ត្រូវដាក់ជូនប្រធានសមាគម ដើម្បីពិនិត្យ និងសម្រេច ក៏ប៉ុន្តែប្រធានការិយាល័យ ឬប្រធានអង្គភាពនោះ ត្រូវធ្វើសេចក្តីរាយការណ៍អំពីកិច្ចការងារនោះ ជូនប្រធានសមាគមនទទួលបន្ទុកជ្រាបនៅពេលមានវត្តមាន ។ ពេលប្រធានសមាគមអវត្តមាន អនុប្រធានសមាគមអចិន្រ្តៃយ៍ ដែលបានទទួលការផ្ទេរសិទ្ធិការងារពីប្រធានសមាគម ត្រូវទទួលដឹកនាំការងារជាប្រធានសមាគមស្តីទី ។ ប្រធានសមាគមស្តីទីមិនមានសិទ្ធិផ្ទេរការទទួលខុសត្រូវទៅឲ្យអនុប្រធានសមាគមណាម្នាក់ទៀតបានទេ លើកលែងតែមានការអនុញ្ញាតពីប្រធានសមាគម ។ ប្រធានសមាគមស្តីទី ត្រូវទទួលខុសត្រូវលើកិច្ចការងារដែលខ្លួនបានសម្រេចក្នុងរយៈពេលនេះ ហើយត្រូវរាយការណ៍ជូនប្រធាន សមាគមអំពីកិច្ចការទាំងនោះនៅមានវត្តមានប្រធានសមាគម ។

រាជធានីភ្នំពេញ ថ្ងៃទី...ខែ...ឆ្នាំ...

ប្រធានសមាគមគ្រឹះស្ថានឧត្តមសិក្សាកម្ពុជា

កន្លែងទទួល

- អនុប្រធានសមាគម

- អគ្គលេខាធិការដ្ឋានសមាគម

- ការិយាល័យ ឬអង្គភាពនានា

“ ដើម្បីអនុវត្ត ”

- ឯកសារ-កាលប្បវត្តិ

តភាគ

Comments:0 Share