ចូរតើនិយាយអំពីតួនាទីរបស់អ្នកចូលរួមប្រជុំអាចចែកចេញជាប៉ុន្មានប្រភេទ ? បកស្រាយ ។

តួនាទី របស់អ្នកចូលរួមប្រជុំអាចចែកចេញជាបីប្រភេទគឹ៖

ក. តួនាទីរបស់ ប្រធានអង្គប្រជុំ

• ទទួលខុសត្រូវលើការកំណត់របៀបវារៈនិងធ្វើឲ្យអ្នកចូលរួមដឹង ច្បាស់ពីកាលបរិច្ឆេទពេលវេលានិងទីកន្លែង
• បើកអង្គប្រជុំកតាមពេលកំណត់និងប្រកាសសមាសភាពចូលរួម
• កំណត់ចំនួនចាំបាច់ អ្នកចូលរួមក្នុងអង្គប្រជុំ
• ចាត់តាំងលេខកត់ត្រា ប្រសិនបើមិនទាន់មាន
• ត្រួតពិនិត្យប្រធានបទ និងកំណត់ពេលវេលាសម្រាប់ប្រធានបទនីមួយៗ
• បញ្ចៀសបញ្ហាផ្តល់ទស្សនាទាន ដើម្បីឲ្យអង្គប្រជុំពិចារណា
• ធ្វើឲ្យអ្នកបញ្ចេញមតិ ចេះគោរពពេលវេលារបស់ខ្លួន
• សង្ខេបចំណុចសំខាន់ៗ និងទាញសេចក្តីសន្និដ្ឋាន
• ប្រកាសឲ្យដឹង អំពីកាលបរិច្ឆេទ ប្រជុំលើកក្រោយចំពោះករណីណាមួយ ដែលត្រូវអនុវត្ត
• ប្រកាសបិទអង្គប្រជុំ
• ចុះហត្ថលេខា ( ស៊ីញ៉េ ) លើកំណត់ហេតុ

ខ. តួនាទីរបស់សមាជិកអង្គប្រជុំ

• ស្តាប់មតិយោបល់របស់សមាជិកដទៃទៀត
• បញ្ចេញនូវមតិវិជ្ជមាន ( ចេះអធ្យាស្រ័យ )
• ធ្វើតាមគម្រោងការអង្គប្រជុំ
• ចូលរួមចំណែកក្នុងការសម្រេច
• ជួយឲ្យអង្គប្រជុំមានភាព ដំណើរការទៅមុខសម្រេចវត្ថុបំណងអង្គប្រជុំ

គ.  តួនាទីរបស់លេខាកត់ត្រា

• ជួនកាលត្រួវទទួលបន្ទុកបែងចែកកំណត់ហេតុ​ប្រជុំលើកមុន និងរបៀបវារអង្គប្រជុំនៅពេលខាងមុខទៀត( ថ្មី )
• កត់ត្រាកំណត់ហេតុអង្គប្រជុំ
• អានកំណត់ហេតុមុននឹងបញ្ចប់អង្គប្រជុំ
• សរសេរកំណត់ហេតុក្រោយ ពេលអង្គប្រជុំនិងចែកជូនសមាជិកអង្គប្រជុំ
• ចុះហត្ថលេខា លើកំណត់ហេតុជាដើម ។