សំណួរ-ចម្លើយ ក្រមរដ្ឋប្បវេណី និងក្រមនីតិវិធីរដ្ឋប្បវេណី (ភាគ៤០)

សំណួរ

១៩៦- តើសកម្មភាពឯកតោភាគីសំដៅលើអ្វី ?

១៩៧- តើសកម្មភាពឯកតោភាគីមានអ្វីខ្លះ ?

១៩៨- ដូចម្តេចដែលហៅថាកាតព្វកិច្ចមានគោលបំណងឲ្យធ្វើសកម្មភាព ?

១៩៩- ដូចម្តេចដែលហៅថាកាតព្វកិច្ចផ្ទេរ/កាតព្វកិច្ចប្រគល់ ?

២០០- តើកាតព្វកិច្ចផ្ទេរ/កាតព្វកិច្ចប្រគល់មានអ្វីខ្លះ ?

ចម្លើយ

១៩៦- សកម្មភាពឯកតោភាគី សំដៅលើករណីដែលកាតព្វកិច្ចកើតឡើងដោយការបង្ហាញឆន្ទៈ ជាឯកតោភាគីរបស់បុគ្គលតែម្នាក់ ។

១៩៧- សកម្មភាពឯកតោភាគីមានរូបភាពដូចជា ៖

• ការបង្ហាញឆន្ទៈក្នុងការចាត់ចែងទ្រព្យ
• ការអនុវត្តសិទ្ធិដែលបានទទួលតាមកិច្ចសន្យា ឬតាមច្បាប់ ។

១៩៨- ដែលហៅថាកាតព្វកិច្ចមានគោលបំណងឲ្យធ្វើសកម្មភាព គឺជាកាតព្វកិច្ចដែលករណីយកិច្ចត្រូវបំពេញ ជាការធ្វើសកម្មភាពណាមួយ ។

១៩៩- ដែលហៅថាកាតព្វកិច្ចផ្ទេរ/កាតព្វកិច្ចប្រគល់ គឺជាកាតព្វកិច្ចដែលករណីយកិច្ចត្រូវបំពេញជាការប្រគល់អ្វីមួយដូចជាវត្ថុជាដើម ។

២០០- កាតព្វកិច្ចផ្ទេរ/កាតព្វកិច្ចប្រគល់មានដូចជា ៖

• កាតព្វកិច្ចជាប្រាក់ (មាត្រា៣១៦ នៃក្រមរដ្ឋប្បវេណី)
• កាតព្វកិច្ចមិនមែនជាប្រាក់ ។

តភាគ