ក្នុងការអនុវត្តជាក់ស្តែង តើចៅក្រមស៊ើបសួរទទួលពាក្យបណ្តឹងប៉ុន្មានករណី ?

ក្នុងការអនុវត្តជាក់ស្តែង តើចៅក្រមស៊ើបសួរទទួលពាក្យបណ្តឹងក្នុងបីករណីគឺ ៖

• អំពើដែលរៀបរាប់ក្នុងឯកសារភ្ជាប់ទៅនឹងដីកាសន្និដ្ឋានបញ្ជូនរឿងឲ្យស៊ើបសួរ ។ ចៅក្រមស៊ើបសួរមិនត្រូវស៊ើបសួរអំពើ ដែលមិនមាននៅក្នុងនីតិវិធី ទោះជាក្រោមរូបភាពណាក៏ដោយ ។
• អំពើដែលអយ្យការបញ្ជូនមកឲ្យចៅក្រមស៊ើបសួរ គោលការណ៍កាលានុវត្តភាពនៃការចោទប្រកាន់អនុញ្ញាតឲ្យព្រះរាជអាជ្ញា ជ្រើសរើសនូវអង្គហេតុណាដែលគាត់ចង់ឲ្យស៊ើបសួរ​ ។ ចៅក្រមស៊ើបសួរធ្វើការស៊ើបសួរតែទៅលើអំពើដែលលើកឡើងដោយអយ្យការ ។ ទោះជាអំពើលួច ឬទទួលផលចោរកម្ម គឺមានចុះក្នុងបណ្តឹងដំបូងក៏ដោយ តែប្រសិនបើអយ្យការចង់បើកការស៊ើបសួរទៅការកាន់កាប់អាវុធហាមឃាត់ ការចោទប្រកាន់មិនអាចត្រូវពង្រីកទៅលើបទល្មើសលួច ឬទទួលផលចោរកម្មទេ ។ ដូចនេះព្រះរាជអាជ្ញាមានកាតព្វកិច្ចក្នុងការបញ្ជាក់ឲ្យច្បាស់លាស់ ដោយធ្វើការបញ្ជាក់អង្គហេតុ និងឈ្មោះបទល្មើស ព្រះរាជអាជ្ញាដាក់ចៅក្រមស៊ើបសួរឲ្យស្ថិតក្នុងស្ថានភាពមួយដែលអាចឲ្យចៅក្រមស៊ើបសួរ ដឹងថា តើថាចៅក្រមស៊ើបសួរទទួលបណ្តឹងពីអ្វី ។
• អំពើដែលកើតឡើងមុខដីកាសន្និដ្ឋានបញ្ជូនរឿងឲ្យស៊ើបសួរ ។ ចៅក្រមស៊ើបសួរពុំមានសមត្ថកិច្ចទៅលើអំពើដែលបានប្រព្រឹត្តបន្ទាប់ពីកាលបរិច្ឆេទនៃដីកាសន្និដ្ឋានបញ្ជូនរឿងឲ្យស៊ើបសួរនោះទេ ។ ដូចនេះ គាត់ត្រូវបញ្ជូនសំណុំរឿងរបស់ខ្លួនដើម្បីសុំដីកាសន្និដ្ឋានបន្ថែម ។​