តើអង្គភាពប្រឆាំងអំពើពុករលួយ មានអំណាចលើស្ថាប័នអ្វីខ្លះ ? ឧទាហរណ៍ ដូចជា ស្ថាប័នព្រះមហាក្សត្រ ?

ព្រះមហាក្សត្រជាបុគ្គលដែលមិនអាចរំលោភបានជាដាច់ខាត (ស្មារតីរដ្ឋធម្មនុញ្ញ) ។ តាមគោលការណ៍ការអនុវត្តជាសកលនៃច្បាប់ស្តីពីការប្រឆាំងអំពើពុករលួយច្បាប់នេះ អនុវត្តចំពោះអំពើពុករលួយគ្រប់រូបភាព គ្រប់វិស័យ និងគ្រប់ជាន់ថ្នាក់នៅទូទាំងព្រះរាជាណាចក្រកម្ពុជា។ គ្រប់បុគ្គលបម្រើការក្នុងស្ថាប័ននីតិប្បញ្ញត្តិ ស្តាប័ននីតិប្រតិបត្តិ និងអំណាចតុលាការ ព្រមទាំងស្ថាប័នសាធារណៈដទៃទៀត ដែលបានប្រព្រឹត្តបទល្មើសពុករលួយនឹងត្រូវទទួលរងនូវការស៊ើបអង្កេតពីអង្គភាពប្រឆាំងអំពើពុករលួយ ។