សំណួរ-ចម្លើយ ច្បាប់ភូមិបាល (ភាគ៣)

សំណួរ

១១- តើថ្លោះសិទ្ធិសំដៅដល់អ្វី ?

១២- តើទាយាទសំដៅដល់អ្វី ?

១៣- តើទ្រព្យសម្បត្តិសាធារណៈសំដៅដល់អ្វី ?

១៤- តើទ្រព្យសម្បត្តិឯកជនសំដៅដល់អ្វី ?

១៥- តើធម្មានុរូបសំដៅដល់អ្វី ?

ចម្លើយ

១១- ថ្លោះសិទ្ធិ សំដៅដល់ប្រាស់ចាកសិទ្ធិ បាត់បង់សិទ្ធិដោយហេតុទណ្ឌកម្ម ឬដោយហេតុមិនបានបំពេញលក្ខខណ្ឌ ដែលច្បាប់ឬកិច្ចសន្យាតម្រូវឲ្យបំពេញក្នុងរយៈពេលមានកំណត់ ។

១២- ទាយាទ សំដៅដល់អ្នកដែលច្បាប់តម្រូវឲ្យទទួលមរតកពីជនណាម្នាក់ ។ ឧទាហរណ៍ កូនជាទាយាទរបស់ឪពុកម្តាយ ចៅជាទាយាទរបស់ជីដូនជីតា ដែលឥតមានបច្ឆាញាតិជាតំណវង្ស ។

១៣- ទ្រព្យសម្បត្តិសាធារណៈ សំដៅដល់ទ្រព្យដែលត្រូវរក្សាឲ្យគង់រូបតាមធម្មជាតិរបស់វា ដើម្បីទុកឲ្យអ្នករួមសង្គមប្រើប្រាស់ជាអង្វែងទៅដូចជា ៖ ស្ពាន ថ្នល់...។ល។ ទ្រព្យទាំងអស់នេះស្ថិតនៅជាប្រយោជន៍សាធារណៈមិនអាចលក់ ដូរ និងគ្មានកំណត់អាជ្ញាយុកាលទេ ។

១៤- ទ្រព្យសម្បត្តិឯកជន សំដៅដល់ទ្រព្យរបស់សង្គមដែលមិនសម្រាប់ឲ្យជនក្នុងសង្គមនោះប្រើប្រាស់ជាសាធារណៈទូទៅទេ ជាសម្បត្តិដែលសង្គមអាចលក់ ដូរ ជួល ធ្វើអំណោយបាន​ ។

១៥- ធម្មានុរូប សំដៅដល់ដែលមានគុណភាពជាអ្វីមួយតាមច្បាប់ ។ ឧទាហរណ៍ ចៅហ្វាយស្រុកជាអាជ្ញាធរធម្មានុរូប ។ កូនដែលកើតពីឪពុកម្តាយដែលមានខាន់ស្លា ហៅថាកូនធម្មានុរូប ឬកូនមានខាន់ស្លា ។

តភាគ