សំណួរ-ចម្លើយ ការគ្រប់គ្រងការិយាល័យ (ភាគ១០)

សំណួរ

៤៦- តើអ្វីទៅហៅថាសម្ភារៈប្រើប្រាស់ក្នុងការិយាល័យ ?

៤៧- តើប្រភេទនៃសម្ភារៈប្រើប្រាស់ក្នុងការិយាល័យមានអ្វីខ្លះ ?

៤៨- តើនីតិវិធីនៃការត្រួតពិនិត្យសម្ភារៈការិយាល័យមានអ្វីខ្លះ ?

ចម្លើយ

៤៦- សម្ភារៈប្រើប្រាស់ក្នុងការិយាល័យ គឺជាឈ្មោះដែលបានផ្តល់ទៅឲ្យចំពោះសម្ភារៈការិយាល័យ សម្ភារៈ ផ្គត់ផ្គង់ ដែលតែងតែប្រើប្រាស់ជាញឹកញាប់ ហើយនឹងត្រូវផ្លាស់ប្តូរជាប្រចាំផងដែរ ។

៤៧- ប្រភេទនៃសម្ភារៈប្រើប្រាស់ក្នុងការិយាល័យមានដូចជា ៖

• ក្រដាសសម្រាប់បោះពុម្ពផ្សេងៗ (ក្នុងមួយដុំមាន៥០០សន្លឹក)
• ក្រដាសកាបោន
• ប្រអប់សំបុត្រ
• ខ្មៅដៃ និងប៉ិច អាចមានជាឡូ
• សម្ភារៈសម្រាប់ទុកដាក់ឯកសារ
• របស់របរសម្រាប់បោះពុម្ព
• ប្រភេទផ្សេងៗទៀតនៃសម្ភារៈប្រើប្រាស់ ។

៤៨- នីតិវិធីនៃការត្រួតពិនិត្យសម្ភារៈការិយាល័យមានដូចជា ៖

• គ្រប់ប្រភេទនៃសម្ភារៈការិយាល័យមួយប្រភេទៗ នឹងត្រូវបានកម្រិតចំនួនអតិបរិមាឲ្យបានច្បាស់លាស់ ។
• កម្រិតអប្បរិមាក៏ត្រូវកំណត់វាផងដែរដើម្បីងាយស្រួលក្នុងការធ្វើការបញ្ជាទិញ
• អ្នកគ្រប់គ្រងសម្ភារៈទាំងនេះនឹងត្រូវរៀបចំ Stock Record Card សម្រាប់ប្រភេទនីមួយៗនៃសម្ភារៈទាំងនេះ ដូចមានក្នុងគំរូខាងក្រោម ។
• គ្រប់ប្រភេទនៃសម្ភារៈដែលយកចេញទៅត្រូវបានកត់ត្រាជាមួយគ្នានេះផងដែរ ដើម្បីឲ្យយើងអាចរកចំនួនដែលនៅសល្ត (Balance)
• នៅពេលដែលយើងទទួលសម្ភារៈបន្ថែមក៏ត្រូវកត់ត្រាផងដែរនៅក្នុងកាតនេះ ហើយគណនារកសមតុល្យរបស់វា ។

តភាគ