សំណួរ-ចម្លើយ ការគ្រប់គ្រងបុគ្គលិកប្រកបដោយភាពវ័យឆ្លាត (ភាគ៤)

សំណួរ

១៦- តើការប្រកាសជ្រើសរើសបុគ្គលិកគឺជាអ្វី ?

១៧- តើការជ្រើសរើសបុគ្គលិកគឺជាអ្វី ?

១៨- តើការប្រកាសជ្រើសរើសបុគ្គលិកមានដំណាក់កាលអ្វីខ្លះ ?

១៩- តើការប្រកាសជ្រើសរើសបុគ្គលិកត្រូវឈរនៅលើមូលដ្ឋានអ្វីខ្លះ ?

២០- តើការធ្វើផែនការប្រកាសជ្រើសរើសគឺជាអ្វី ?

ចម្លើយ

១៦- ការប្រកាសជ្រើសរើសបុគ្គលិក គឺជាដំណើរស្វែងរក និងទាក់ទាញបេក្ខជនការងារដែលមានចំណេះដឹង និងជំនាញសមត្ថភាពគ្រប់គ្រាន់ដើម្បីសម្រេចបាននូវគោលដៅរបស់ក្រុមហ៊ុន ។

១៧- ការជ្រើសរើសបុគ្គលិក គឺជាការអភិវឌ្ឍន៍នូវការដាក់បំពេញបេក្ខជនសម្រាប់ធ្វើការនៅក្នុងអង្គភាពមួយដែលត្រូវការ ។ ដូចនេះក្រុមហ៊ុន ឬអង្គភាពចាំបាច់ត្រូវតែធ្វើផែនការធនធានមនុស្សឲ្យបាច្បាស់លាស់ ដើម្បីធ្វើការព្យាករណ៍ទុកនូវតម្រូវការបុគ្គលិករបស់អង្គភាព ហើយបន្ទាប់មកទើបធ្វើការប្រកាសជ្រើសរើសធនធានមនុស្សទៅតាមតម្រូវការរបស់ក្រុមហ៊ុន ឬអង្គភាព ដោយធ្វើការរៀបចំដំណើរការនៃការវិភាគការងារឲ្យបានច្បាស់លាស់ជាមុនសិន ដើម្បីអាចកំណត់ទិសដៅ និងផែនការច្បាស់លាស់ក្នុងពេលជ្រើសរើសចុងក្រោយ ។

១៨- ការប្រកាសជ្រើសរើសបុគ្គលិកមានដំណាក់កាលជាជំហ៊ានៗដូចតទៅ ៖

• ការធ្វើផែនការប្រកាសជ្រើសរើស
• វិធីសាស្រ្តនៃការប្រកាសជ្រើសរើស
• ប្រភពនៃការស្វែងរកបេក្ខជន
• ការពិនិត្យជ្រើសរើស ។

១៩- ការប្រកាសជ្រើសរើសបុគ្គលិកត្រូវឈរនៅលើមូលដ្ឋានដូចជា ៖

• ការងារនេះត្រូវអនុវត្តន៍ដោយបុគ្គលិកនៅផ្នែកគ្រប់គ្រងធនធានមនុស្ស
• ប្រកាសផ្សព្វផ្សាយព័ត៌មាននៃការប្រកាសជ្រើសរើសបុគ្គលិក
• ទទួលពាក្យស្នើសុំបំពេញការងាររបស់បេក្ខជន
• ធ្វើការវាយតម្លៃដំណាក់កាលនៃការប្រកាសជ្រើសរើសបុគ្គលិក ។

២០- ការធ្វើផែនការប្រកាសជ្រើសរើស គឺជាដំបូងនិងចាំបាច់បំផុត ដើម្បីទិសដៅជ្រើសរើសចុងក្រោយ និងដំណើរការការងាររបស់បុគ្គលិកថ្មី ដែលជ្រើសរើសបម្រើការងារ ។ ការធ្វើផែនការប្រកាសជ្រើសរើសបុគ្គលិកត្រូវពឹងផ្អែកទៅលើការពិពណ៌នាពីការងារជាចាំបាច់ ពីព្រោះការពិពណ៌នាការងារវាបានឆ្លុះបញ្ចាំងនូវអ្វីដែលអង្គភាពត្រូវការ ។

តភាគ