សំណួរ-ចម្លើយ ការគ្រប់គ្រងបុគ្គលិកប្រកបដោយភាពវ័យឆ្លាត (ភាគ១)

សំណួរ

១- តើអ្នកគ្រប់គ្រងគឺជាអ្វី ?

២- តើអ្នកគ្រប់គ្រងជាទូទៅត្រូវមានមុខងារប៉ុន្មានយ៉ាង ? អ្វីខ្លះ ?

៣- តើសមត្ថភាពគ្រប់គ្រងមានអ្វីខ្លះ ?

៤- តើការគ្រប់គ្រងធនធានមនុស្សគឺជាអ្វី ?

៥- តើការវិភាគការងារគឺជាអ្វី ?

ចម្លើយ

១- អ្នកគ្រប់គ្រង គឺជាអ្នកទទួលខុសត្រូវលើការងារ និងលទ្ធផលដែលបានទទួលជោគជ័យ តាមការខិតខំប្រឹងប្រែងពិសេសរបស់មនុស្សគ្រប់ប្រភេទ មិនថាចំពោះបុគ្គលម្នាក់ៗឬក្រុមមួយឡើយ ។

២- អ្នកគ្រប់គ្រងជាទូទៅត្រូវមានមុខងារ៤យ៉ាងគឺ ៖

• ការធ្វើផែនការ
• ការដឹកនាំការងារ
• ការចាត់ចែង ឬរៀបចំ
• ការត្រួតពិនិត្យ ។

៣- សមត្ថភាពគ្រប់គ្រងមានដូចជា ៖

• ការធ្វើផែនការ
• ការចាត់ចែង/បែងចែកការងារ
• ការផ្ទេរភារកិច្ច
• ការត្រួតពិនិត្យ និងវាយតម្លៃ
• ការសរសេររបាយការណ៍
• ការបង្កើតដំណើរការការងារ
• ការធ្វើសេចក្តីសម្រេចចិត្ត
• ការដោះស្រាយបញ្ហា
• ការគ្រប់គ្រងគម្រោង
• ការគ្រប់គ្រងបច្ចេកទេស
• ការគ្រប់គ្រងហិរញ្ញវត្ថុ
• ការគ្រប់គ្រងធនធានមនុស្ស
• ប្រព័ន្ធរចនាសម្ព័ន្ធ
• ការងារបណ្តាញ និងភាពជាដៃគូ ។

៤- ការគ្រប់គ្រងធនធានមនុស្ស គឺជាការបង្កើតនូវមុខងារ ឬសកម្មភាព ដើម្បីប្រតិបត្តិការងារនៅក្នុងអង្គភាពឲ្យមានប្រសិទ្ធភាព​ និងសម្រេចគោលដៅរបស់អង្គភាព តាមរយៈការធ្វើផែនការធនធានមនុស្ស ការប្រកាសជ្រើសរើសបុគ្គលិក  កាបណ្តុះបណ្តាលលើសមត្ថភាពជំនាញរបស់បុគ្គលិក  ការវាយតម្លៃការងាររបស់បុគ្គលិក និងការទូទាត់តម្លៃតបស្នងដល់បុគ្គលិក ។

៥- ការវិភាគការងារ គឺជានីតិវិធីដែលត្រូវបានរៀបចំជាលក្ខណៈប្រព័ន្ធ ដើម្បីប្រមែប្រមូល និងកត់ត្រាព័ត៌មានស្តីពីការងាររបស់បុគ្គលិកទាំងឡាយ ដោយផ្តោតជាសំខាន់ទាក់ទងទៅនឹងភារៈកិច្ច និងការទទួលខុសត្រូវរបស់បុគ្គលិក ហើយនិងតម្រូវការរបស់ពួកគេ ដើម្បីប្រតិបត្តិការងារទាំងអស់ប្រកបដោយប្រសិទ្ធិភាពខ្ពស់ ។