តើនៅលើផែនទីប្រើប្រាស់ដី និងធនធានធម្មជាតិអ្នកត្រូវបង្ហាញនូវព័ត៌មានអ្វីខ្លះ ?

ផែនទីជារូបសញ្ញាតំណាងបង្ហាញព័ត៌មានផ្សេងៗនៅលើក្រដាសរាបស្មើមួយ ។ ផែនទីមានច្រើនប្រភេទណាស់ហើយវាមានអត្ថន័យ និងព័ត៌មានផ្សេងៗគ្នា ។ ព័ត៌មាននៅលើផែនទីមានលក្ខណៈរួមដូចជាៈ

• ចំណងជើងផែនទី ប្រាប់យើងពីអ្វីដែលចង់បង្ហាញនៅលើផែនទី ឬប្រាប់យើងប្រធានបទនៃផែនទី
• មាត្រដ្ឋានផែនទី បង្ហាញពីទំនាក់ទំនងរវាងចំហាយនៅលើផែនដី និងចំងាយនៅលើផែនទី
• មាត្រាដ្ឋានក្រិត មានរាងដូចបន្ទាត់ ។ ចំងាយនៅលើផែនដីត្រូវបានបង្ហាញដោយកំណត់ក្រិតដែល បង្ហាញជាខ្នាតចំងាយ
• មាត្រាដ្ឋានអក្សរ គឺជាការពិពណ៌នារង្វាស់ចំងាយនៅលើផែនទី មានទំនាក់ទទំនងជាមួយចំងាយនៅលើផ្ទៃផែនដី
• និមិត្តសញ្ញាត្រីវិស័យ បង្ហាញពីទីតាំងដែលបង្ហាញពីទំនាក់ទំនងនឹងប៉ូលខាងជើងពិតប្រាកដ
• និមិត្តសញ្ញាផែនទី គឹជាតារាងសញ្ញាប្រើក្នុងផែនទី និងការពន្យល់របស់វា
• កាលបរិច្ឆេទរបស់ផែនទីផ្តល់នូវពេលវេលាផែនទីមានតម្លៃអាចប្រើប្រាស់បាន

បន្ថែមទីលើចំណុចរួមទាំងនេះទៀតចំពោះផែនទីប្រើប្រាស់ដីត្រូវបង្ហាញនូវព័ត៌មានមួយចំនួនទៀតដូចជាៈ

• ដីសម្រាប់ាករសម្បទាន មានសម្បទានសេដ្ឋកិច្ចសង្គមកិច្ច
• ដីដែលបានធ្វើសម្បទានរួចហើយ
• ដីកសិកម្ម
• ដីសម្រាប់ការសាងសង់ ( លំនៅឋាន សាលារៀន មន្ទីរពេទ្យ អគារនិងរបស់សាធារណៈផ្សេងៗ )
• ដីទំនេរ ឬដីដែលមិនទាន់ប្រើប្រាស់
• ប្រភេទដី ( ដីខ្សាច់ ដីមមោក ដីឥដ្ឋ )
• ដីខូចគុណភាព
• ដីមានមីន
• ផែនទីការប្រើប្រាស់ធនធានធម្មជាតិបង្ហាញពី
• ព្រៃឈើ ( ព្រៃសម្រាប់ការពារ អភិរក្ស ធ្វើសម្បទាន ព្រៃសហគមន៍ )
• ប្រភពទឹក ធនធានរ៉ែ ។