វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៥៧ )

សំនួរ

១, តើអ្នកវិទ្យាសាស្រ្តដឹងអំពីវត្តមាននៃរូបធាតុនេះដូចម្តេច ?

២. តើសកលនឹងទៅជាយ៉ាងណានៅពេលអនាគត ?

៣. តើអ្នកវិទ្យាសាស្រ្តដឹងថាសកលនៅតែបន្តរីកជានិរន្តរ៍តាមរយៈភស្តុតាងអ្វី ?

៤. ដូចម្តេចដែលហៅថា សារធាតុចិញ្ចឹម ?

៥. ចូរប្រាប់ពីធាតុគីមីសមខាន់ៗដែលចាំបាច់ក្នុងដំណើរប្រតិកម្មគីមីដែលជីវិតត្រូវការ ។

ចម្លើយ

១. អ្នកវិទ្យាសាស្រ្តពុំអាចសង្កេតលឃើញរូបធាតុងងឹតដោយផ្ទាល់បានទេ ប៉ុន្តែពួកគេអាចដឹងអំពីវត្តមាននៃរូបធាតុនេះតា​មរយៈឥទ្ធិពលនៃទំនាញរបស់វាទៅលើអង្គផ្សេងទៀតដូចជា តារា ឬពន្លឺ ។

២. នៅពេលអនាគត ផ្អែកលើការទស្សន៍ទាយទីមួយគឺថា សកលអាចនៅតែបន្តរីកធំឡើងៗ  ។ តារាទាំងអស់នឹងប្រើអស់ឥន្ធនៈហើយរលត់ ពេលនោះសកលនឹងចុះត្រជាក់ហើយងងឹត ​។ ផ្អែកតាមការទស្សន៍ទាយមួយទៀតគឺថា​ កម្លាំងទំនាញនឹងទាញកាឡាក់ស៊ីទាំងអស់ឲ្យផ្តុំចូលគ្នា ។​ មានន័យថារូបធាតុទាំងអស់នៅក្នុងសកលបុកទង្គិចចូលគ្នាទៅជាប្រហោងខ្មៅយ៉ាងធំមួយ ។

៣. អ្នកវិទ្យាសាស្រ្តដឹងថាសកលនៅតែបន្តរីកជានិរន្តរ៍តាមរយៈភស្តុតាងនៃការសង្កេតនាពេលថ្មីៗនេះ ។

៤. សារធាតុចិញ្ចឹមគឺជា ធាតុគីមីដែលសារពាង្គកាយត្រូវការចាំបាច់សម្រាប់ការរស់នៅ លូតលាស់ និងបន្តពូជ​ ។

៥. ធាតុគីមីសំខាន់ៗដែលចាំបាច់​នៅក្នុងដំណើរប្រតិកម្មគីមីដែលជីវិតត្រូវការគឺ ៖

• អុកស៊ីសែន និងទឹកគឺជាសារធាតុដ៏សំខាន់ក្នុងដំណើរប្រតិកម្មគីមីជាច្រើនដែលយើងត្រូវការដើម្បីទ្រំទ្រង់ជីវីត ។
• អាសូតជាធាតុបង្កនៃប្រូតេអ៉ីនទាំងអស់ដែលគាំទ្រកោសិកាមានជីវីត ។
• ផូស្វរមានសារៈសំខាន់ក្នុងការបំលែងថាមពល ដូចជារស្មីសំយោគ និងដង្ហើម ។
• កាល់ស្យូមជួយធ្វើឲ្យសារពាង្គកាយរឹងប៉ឹងដែលមាននៅក្នុងឆ្អឹង ។