វិញ្ញាសាវប្បធម៌៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៥)

សំណួរ

១. តើពុទ្ធសាសនាមានប៉ុន្មាននិកាយ ? អ្វីខ្លះ ?

២. តើព្រហ្មវិហារធម៌មានប៉ុន្មានអ្វីខ្លះ ?

៣. តើការរក្សាសីលធម៌ប្រាំរបស់ព្រះពុទ្ធមានអ្វីខ្លះ ?

៤. តើបច្ច័យបួននៅក្នុងព្រះពុទ្ធសាសនាមានអ្វីខ្លះ ?

៥. ទុក្ខធំៗរបស់ព្រះពុទ្ធសាសនាមានអ្វីខ្លះ ?

ចម្លើយ

១. ព្រះពុទ្ធសាសនាមានពីរនិកាយគឺ ៖ និកាយហិនយាននិកាយមហាយាន ។

២. ព្រហ្មវិហារធម៌មានបួន ៖

• មេត្តា
• ករុណា
• មុទិតា
• ឧបេក្ខា ។

៣. ការរក្សាសីលធម៌ប្រាំរបស់ព្រះពុទ្ធមានដូចជា ៖

• បាណាតិបាតា ៖ វៀរចាកការសម្លាប់ជីវិតមនុស្សសត្វ
• អទ្និនាទានា ៖ វៀរចាកការលួចទ្រព្យគេ
• កាមេសុមិច្ចាឆារា ៖ វៀរចាកការប្រព្រឹត្តខុសផ្លូវកាម
• មុសាវាទា ៖ មិននិយាយកុហក
• សុរាមេរយ ៖ មិនផឹកគ្រឿងស្រវឹង ។

៤. បច្ច័យបួននៅក្នុងព្រះពុទ្ធសាសនាមានដូចជា ៖

• ចីវបច្ច័យ សំដៅលើសំពត់សម្រាប់គ្រងលើរូបកាយ
• បិណ្ឌបាតបច្ច័យ សំដៅលើម្ហូបអាហារគ្រឿងឧបភោគ
• សេនាសនបច្ច័យ សំដៅលើកន្លែងគង់នៅឬសំភារៈសម្រាក
• គិលានភេសជ្ជៈបច្ច័យ សំដៅលើឳសថព្យាបាលរោគឬថ្នាំ ។

៥. ទុក្ខធំៗរបស់ព្រះពុទ្ធសាសនាមានដូចជា ៖

• ជាតិទុក្ខ ទុក្ខព្រោះមានកំណើត (តាំងពីរនៅក្នុងផ្ទៃម្តាយ)
• ព្យាធិទុក្ខ ទុក្ខព្រោះមានជម្ងឺផ្សេងៗមកបៀតបៀន
• ជរាទុក្ខ ទុក្ខព្រោះចាស់គ្រាំគ្រា
• មរណទុក្ខ ទុក្ខព្រោះសេចក្តីស្លាប់ (ឈឺចុកចាប់ខ្លាំងនៅពេលជិតស្លាប់) ។