តើមិត្តល្អដែលគួររាប់រកមានលក្ខណៈដូចម្តេចខ្លះ ? ចូររៀបរាប់ ។

មិត្តល្អ ៤ប្រភេទមានលក្ខណៈសំរាប់សំគាល់ដូចតទៅ ៖

ក. មិត្តមានឧបការៈ គឺមិត្តមានការទំនុកបំរុង

• ត្រេកអរនឹងមិត្តមកលេង
• ពេលមិត្តប្រមាថ ក៏ជួយរក្សា
• ពេលមិត្តភ័យ ក៏យកខ្លួនអោយជាទីពឹងរបស់មិត្តបាន
• ពេលមិត្តមានការចំាបាច់ តែងជួយផ្គត់ផ្គង់តាមលទ្ធភាព
• មានអធ្យាស្រ័យល្អ ចេះលើកលែងកំហុសចំពោះមិត្តដែលបានប្រព្រឹត្តខុស ។

ខ. មិត្តរូបសុខទុក្ខ (ចិត្តមួយថ្លើមមួយ)

• ប្រាប់រឿងសំងាត់ដល់មិត្ត
• ពេលមិត្តមានអាសន្ន មិនបោះបង់ចោលមិត្ត
• ស៊ូស្លាប់រស់ជាមួយមិត្ត សូម្បីតែជីវិតក៏អាចលះបង់បានដើម្បីមិត្ត
• ជួយលាក់អាថ៌កំបាំងរបស់មិត្ត ស្រលាញ់មិត្តរបស់មិត្តស្អប់សត្រូវរបស់មិត្ត ។

គ. មិត្តណែនាំប្រយោជន៍ រឺមិត្តណែនាំអោយធ្វើល្អ

• ឃើញមិត្តប្រុងធ្វើរឿងវិនាស ក៏ហាមប្រាម
• ណែនាំមិត្តអោយតាំងនៅក្នុងសេចក្តីល្អ
• អោយមិត្តបានស្លាប់ បានដឹងនូវអ្វីដែលមិត្តមិនដែលបានស្តាប់
• ប្រាប់ផ្លូវទៅកាន់ស្ថានសួគ៌ដល់មិត្ត ។

ឃ. មិត្តមានទឹកចិត្ត

• ពេលមិត្តមានទុក្ខ ក៏កើតទុក្ខដែរ
• ពេលមិត្តបានសុខ ក៏សប្បាយរីករាយ
• ពេលគេទិតៀនមិត្ត ក៏ជួយនិយាយការពារអោយ
• នឹកដល់មិត្តពេលបានចំណីឆ្ងាញ់
• ពេលគេសរសើរមិត្ត ក៏ជួយនិយាយសរសើរបន្ថែម ។