វិញ្ញាសាផែនដី សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៥០)

សំណួរ

១. តើអ្នកណាខ្លះមានសិទ្ធិចូលរួមថែរក្សាការពារបរិស្ថាន ?

២.ចូរឲ្យនិយមន័យផ្លាកតិចតូនិច?

៣. តើសីតុណ្ហភាពនៅក្នុងជម្រៅផែនដីប្រែប្រួលដូចម្តេច ?

៤. តើត្រូវធ្វើដូចម្តេចដើម្បីកាត់បន្ថយការប្រែប្រួលបរិស្ថាន ?

៥. តើបរិយាកាសបច្ចុប្បន្នមានឧស្ម័នអ្វីខ្លះ ? ចូរប្រាប់ពីភាគរយនៃឧស្ម័ននីមួយៗ ។

ចម្លើយ

១. អ្នកដែលមានសិទ្ធិចូលរួមថែរក្សាការពារបរិស្ថាន​គឺ មនុស្សគ្រប់រូប ។

២. និយមន័យផ្លាកតិចតូនិចជាទ្រឹស្តី ដែលពន្យល់ថាមណ្ឌលថ្មរបស់ភពផែនដី បានប្រះបែកជាផ្លាកតិចតូនិចយ៉ាងច្រើននិងព្វើចលនា លើមណ្ឌលខាប់។

៣. សីតុណ្ហភាពនៅក្នុងជម្រៅផែនដីប្រែប្រួល សមាត្រទៅនឹងជម្រៅរបស់ផែនដីគឺ កាលណាជម្រៅកាន់តែជ្រៅសិតុណ្ហភាពកាន់តែកើន ។ ក្នុងជម្រៅ ៤០m វាកើនឡើង ១ អង្សាសេ ។ ការកើនបែបនេះបន្តរហូតដល់ជម្រៅ ៣០ ទៅ ៤០km លើសពីនេះវាកើនតិច តែថេរ ។

៤. ដើម្បីកាត់បន្ថយកការប្រែប្រួលបរិស្ថានគឺ ៖​

• ត្រូវដាំដើមឈើឡើងវិញ
• មិនត្រូវកាប់ព្រៃឈើក្នុងទ្រុងទ្រាយធំ
• មិនត្រូវដុតព្រៃធ្វើការកសិកម្មផ្សេងៗ
• មិនត្រូវប្រើយានយន្តចាស់ៗ ដែលបញ្ចេញឧស្ម័នពុលច្រើន
• មិនត្រូវប្រើសារធាតុគីមីពុល.....។

៥​ បរិយាកាសបច្ចុប្បន្នមានឧស្ម័នអាសូត អុកស៊ីសែន និងឧស្ម័នដទៃទៀតដូចជា ឧស្ម័នកាបូនិច ចំហាយទឹក អាកុង នេអុង សេណុង គ្រីបតុង អេស្យូម មេតាន អ៊ីដ្រូសែន អូសូន ក្នុងនោះក៏មានកាបូនឌីអុកស៊ីត ០.០៣% ផងដែរ ។

ភាគរយនៃឧស្ម័ននីមួយៗ ៖

• អាសូត ៧៨%
• អុកស៊ីសែន ២១%
• ១% នៃឧស្ម័នដទៃទៀត ដូចជាឧស្ម័នកាបូនិច ចំហាយទឹក អាកុង នេអុង សេណុង គ្រីបតុង អេស្យូម មេតាន អ៉ីដ្រូសែន អូសូន ក្នុងនោះក៏មានកាបូនឌីអុកស៊ីត ០.០៣% ផងដែរ ។

វិញ្ញាសាទី៥១